ଚାତକି

ଚାନ୍ଦ ପାଇଁ ନୀଳ କଇଁ

  ଝୁରି ମରୁଥିଲା ଯେପରି

ତୁମ ପାଇଁ ପରା ସାଥୀ

   ବସିଛି ମୁଁ ମନମାରି l

ଦେଇଥିଲ କଥା ଏଇ ଶ୍ରାବଣରେ

  ଆସିବ ଫେରି ଫଗୁଣେ

ଚାତକି ପରାଏ ରହିଛି ଚାହିଁ

   ପ୍ରତିଧ୍ୱନି କୋକିଳସ୍ୱର କର୍ଣ୍ଣେ l

ଫେରି ଚାହିଁଲାନି ଏଡ଼େ ଅଭିମାନ

    ମଣିଲା ତୁଚ୍ଛ ପ୍ରେମକୁ 

ଯାହାପାଇଁ ଦିନେ ଦେଖିଥିଲା ସ୍ବପ୍ନ

   ଗଗନୁ ତାରା ତୋଳିବାକୁ l

ପ୍ରେମ ଆକାଶ ପଡ଼ିଅଛି ଶୂନ୍ୟ

  ପ୍ରିତିର ବରଷା କାହିଁ

ଚାତକି ପରାୟେ ନୃତ୍ୟ ରତା

  ବିନ୍ଦୁଏ ପରସ ପାଇଁ l

କେଉଁ ମାୟାବିନୀ ବାନ୍ଧିଲା ତୁମକୁ

  ଛନ୍ଦିହେଲ ତାର ପ୍ରେମେ

ପଡିଲାନି ମନେ ଗଢ଼ିଥିଲେ ଦୁହେଁ

  ସ୍ବପ୍ନର  ସୌଧ ଆମେ l