ଚାଷୀ ର ଖୁସି

କୃଷି ଅଟେ ଆମ ପ୍ରଧାନ ଜୀବିକା

କୃଷି ପ୍ରମୁଖ ସମ୍ବଳ

କୃଷିକୁ ପ୍ରାଧାନ୍ୟ ମିଳିବା ଉଚିତ

ଶିଳ୍ପ ସହ ସମତୁଲ ।

ଜଳ ସଂରକ୍ଷଣ ସେଚନ ସୁବିଧା

ଅଧିକ ବିକାଶ ହେଲେ

ରହିବନି ଜମି ବର୍ଷରେ ପଡିଆ

ମିଶ୍ରଚାଷ କରାଗଲେ ।

କୃଷି ଜମି ଆଉ ପ୍ରକୃତ ଚାଷୀଙ୍କ

ସଠିକ୍ ପରିସଂଖ୍ୟାନ

ନୀତି ପ୍ରଣୟନେ ସୁପାରଦର୍ଶୀତା

ଉତ୍ତମ କାର୍ଯ୍ୟାନ୍ୱୟନ ।

କୃଷି ଉତ୍ପାଦନ ପ୍ରକ୍ରିୟା କରଣ

କୃଷି ଦ୍ରବ୍ୟ ବିପଣନ

ବ୍ୟାପକ ସ୍ତରରେ ହୋଇବା ଉଚିତ

କୃଷିର ମାର୍ଗ ଦର୍ଶନ ।

କୃଷି କୈ।ଶଳରେ ନୂତନ ପ୍ରଯୁକ୍ତି

କୃଷକଙ୍କ ଭାଗିଦାରୀ

ଆତ୍ମନିର୍ଭରତା ନେତୃତ୍ୱ ସୃଜନେ

ସୁଯୋଗ କରିବ ବୃଦ୍ଧି ।

କୃଷିର ଉନ୍ନତି ହୋଇଲେ ନିଶ୍ଚୟ

କୃଷକ ଲାଭ ପାଇବ

ଖୁସି ହେଲେ ଚାଷୀ ଆମରି ଭାରତେ

ସୁବର୍ଣ୍ଣ ଯୁଗ ଆସିବ ।