ଲାଇବ୍ରେରୀ
ପ୍ରୋଫାଇଲ୍
ତୁମ ନୂଆ ଚେହେରା
ତୁମ ନୂଆ ଚେହେରା
1 min
226
ସକାଳରୁ ସନ୍ଧ୍ୟା ଦେଖିବାକୁ ମିଳେ
ତୁମ ନୁଆ ରୂପ ନୂଆ ଚେହେରା
ମନ ହୃଦୟେ ଭରିଯାଏ ରଙ୍ଗ
ଲାଗେ ସତେ ତୁମେ ଏକା ନିଆରା।
ଜନ ମାନସରେ ତୁମର ଚେହେରା
ଫୁଟି ଉଠେ ଫୁଲର ମହକ ପରା
କେବେ କେବେ ମୁହିଁ ଭାବୁଛି ତୁମକୁ
ସତେକି ତୁମେ ଯେ କେଉଁ ଅପସରା ।
ତୁମ ନୀରବତା ତୁମ ଅପରୂପ
ଗଢା ଶରୀରଟା ଲାଗେ ସତେ
ସରଗ ର ଚାନ୍ଦ ପରି ଶୁଭ୍ର ପ୍ରକାଶ
ନୂଆ ନୂଆ ଲାଗେ ଭାବନା ମୋତେ।
ଲୁଚିକରି ଅଛି ସଞ୍ଜ ସକାଳ
ତୁମ ସେହି ନୂଆ ଚେହେରାରେ
ଭାବୁଛି ମୁଁ ଆଜି ତମ ନୂଆ ଚେହେରା
ବାନ୍ଧିବ କି ମୋତେ ପ୍ରେମ ଧାରେ।
ବେଳେ ବେଳେ ତୁମ ନୂଆ ଚେହେରା ଟା
ଲାଗେ ଭାରି ମିଠା ମିଠା
କେମିତି କେଜାଣି ଏ ଦୁନିଆ ଚିହ୍ନିବି
ମୋ ମନରେ ଲାଗିଲେ ବିଶ୍ବାସ ଅଠା।
ବିଶ୍ୱାସ ପଣରେ ଭାବିଲି ତୁମକୁ
ପ୍ରଥମ ଦେଖାର ସେ ଆଖିର ଚାହାଣୀ
ଲାଗୁଥିଲା ଭାରି ନିଜର ନିଜର
ହୃଦୟ ତ ମୋର ନେଇ ଥିଲ ଜିଣି।
ଆଜି ତୁମ ନୂଆ ଚେହେରା ଟା
କିଛି ରଖି କିଛି କହୁଛି ପରା
ମନରେ ବିଶ୍ବାସ ହୃଦୟେ ଭରିଛି
ଭରସା କରିଛି ତୁମ ନୂଆ ଚେହେରା।
