ଜୀବନ ବାଟରେ
ଜୀବନ ବାଟରେ
ଜୀବନ ବାଟରେ ସମୟ ସାଥିରେ
ଧୀରେ ଧୀରେ ଚାଲୁ ଚାଲୁ
ବରଷ ବୟସ କେବେ ସରିଯାଏ
ଆମ ଆଖି ଖୋଲୁ ଖୋଲୁ ।
ହୃଦୟ ଭିତରେ କିଛି ରହିଯାଏ
ମନର ଦରଜ ହୋଇ
କିଛି କାମ ଆମ ବାକି ରହିଯାଏ
ପାରୁନା ତାକୁ ନିଭାଇ ।
ଜୀବନ ବାଟରେ କିଛି ସାଙ୍ଗ ସାଥି
ରାଗି ଛାଡି ଚାଲି ଗଲେ
ଆଉ କିଛି ସାଥୀ ମୁଂହ ମୋଡିଦେଇ
ସବୁଦିନ ଶୋଇଗଲେ ।
ପlରିବି ତ ଥରେ ତାଙ୍କରି ଓଠରେ
କିଛି ହସ ଖେଳାଇବି
ମୋ ପ୍ରିୟ ସାଥୀଙ୍କ କବର ଉପରେ
ଗୋଲାପଟେ ରଖି ଯିବି ।
କିଛି ମୋ ସପନ ପୁରା ଯା ହୋଇନି
ପୋତିବି କବର ତଳେ
ଭାବୁଛି ଯୋଡିବି ଭଙ୍ଗା ସମ୍ପର୍କ କୁ
ଭଲ କରି ଆଉ ଥରେ ।
ମୋର ଲୁହ କିଏ ପୋଛୁବା ନ ପୋଛୁ
ନିଜେ ପୋଛିବା ଶିଖିବି
ଜୀବନ ବାଟରେ ଥକିବl ଆଗରୁ
କିଛି ଖୁସି ବାଣ୍ଟି ଯିବି ।