ପ୍ୟାରୀମୋହନ ମହାପ୍ରୟାଣ ଦିବସରେ
ପ୍ୟାରୀମୋହନ ମହାପ୍ରୟାଣ ଦିବସରେ
ମନେ ପଡେ, ପ୍ୟାରୀମୋହନ ଆଚାର୍ଯ୍ୟଙ୍କ
ମହାପ୍ରୟାଣ ଦିବସରେ
ସେ ଜୀବନ କଟାଇଲେ ପରାଧୀନ ଜାତିର
ଉନ୍ନତି ଓ ସ୍ଵାର୍ଥରକ୍ଷା ଶପଥରେ ।
ଭାଷା ଭିତ୍ତିକ ସ୍ବତନ୍ତ୍ର ଓଡ଼ିଶା ଗଠନ ଥିଲା
ଲକ୍ଷ ସେଇ ୨୮ ବର୍ଷର ଯୁବକଟିର!
ସଂଗ୍ରାମରତ ଥିଲେ ଓଡ଼ିଆ ପ୍ରଚଳନ ଓଡ଼ିଶାର
ଶିକ୍ଷାନୁଷ୍ଠାନରେ ପାଠ୍ୟ ଭିତର ।
ସଞ୍ଜିବନୀ ସିଞ୍ଚିବେ ଜାଗରଣ ଅସତ୍ୟ ବିରୁଦ୍ଧରେ
ଶିଥିଳ ଓଡ଼ିଆଙ୍କ ପ୍ରାଣରେ
ଉତ୍କଳ ଅନ୍ୟାୟରୂପୀ ତାମସ ଗଗନେ ଦେଖା
ଦେଲେ ଉଲକାସମ ପୁରୋଭାଗରେ ।
୧୮୭୫ରେ ତାଙ୍କ ଚେଷ୍ଟାରେ ପାଠଶାଳା ଉନ୍ନୀତ
ହେଲା ମଧ୍ୟ ଇଂରାଜୀ ବିଦ୍ୟାଳୟକୁ,
୧୮୭୯ରେ ପ୍ରତିଷ୍ଠା କଲେ ଏକ ହାଇସ୍କୁଲ, ନାମିତ
ହେଲା ସେଇ କଟକ ଏକାଡେମୀକୁ ।
ଭାରତବର୍ଷର ବିଶିଷ୍ଟ ବିପ୍ଳବୀ, ଶିକ୍ଷାବିତ୍, ସଂଗ୍ରାମୀ
ବିପିନଚନ୍ଦ୍ର ପାଲ୍ ଯୋଗ ଦେଲେ
ଏ ଜାତିର ରକ୍ଷକ ପ୍ୟାରୀ ମୋହନ ସରଳ ଶାଶ୍ଵତ
ମଙ୍ଗଳ ପ୍ରଶାନ୍ତ ବ୍ୟକ୍ତିତ୍ଵ ଥିଲେ ।
ସମଗ୍ର ଓଡ଼ିଶାରେ ବାସ ଚହଟାଇ ମାତ୍ର ୩୦ ବର୍ଷ
ଅଭିନୟ ସାରି ପୁଣି ଫେରିଗଲେ
୧୮୮୧ ମସିହା ଡିସେମ୍ବର ମାସ ୨୮ତାରିଖ ଗୁରୁବାର
ଦିନ ଇହଲୀଳା ସମ୍ବରଣ କଲେ ।
ଆଜି ପ୍ୟାରୀମୋହନ ନାହାଁନ୍ତି ସତ, କିନ୍ତୁ ତାଙ୍କ ହାତ
ଗଢ଼ା ପ୍ୟାରୀମୋହନ ଏକାଡେମୀ ଅଛି ରହି
ନୁହେଁ ସେହି ଶିଖା ଲିଭିବାର କେବେ, ପ୍ରତି ଓଡ଼ିଆର
ହୃଦୟରେ ରହିଛି ଆଲୋକର ଶିଖା ହୋଇ ।
ତେଣୁ ଏହି ଦିନରେ ଉକ୍ତ କବିତାଟି ମାଧ୍ୟମେ ପ୍ରତ୍ୟେକ ଓଡିଆଙ୍କୁ
ତାଙ୍କ ସ୍ମରଣେ କରେ ନିବେଦନ ।
ଜାତି ପାଇଁ ସ୍ଵାର୍ଥକୁ ଯେ ତ୍ୟାଗ କରେ
ସମାଜର ଉନ୍ନତି ପାଇଁ ଆଶାରେ ।
ଲକ୍ଷ୍ୟ ଅଲଗା ଜୀବନର
ଦୁସ୍ଥ ପାଇଁ ସମବେଦନାର ସ୍ୱର ।
ଅସତ୍ୟ ବିରୁଦ୍ଧରେ ସଂକଳ୍ପ ସଂଗ୍ରାମ କର
ଆଗେଇ ଚାଲ ତରୁଣ ଯେତେ ମୋ ଦେଶର ।
ଅନ୍ୟାୟ ଅସତ୍ୟ ବିରୁଦ୍ଧରେ
ଅତ୍ୟାଚାରୀ ସରକାର ବିରୁଦ୍ଧରେ ।
ଭ୍ରଷ୍ଟାଚାରୀ ସରକାରୀ କଳ ବିରୁଦ୍ଧରେ
ମାଗିଖିଆ ସୃଷ୍ଟି କରିବା ନୀତି ବିରୁଦ୍ଧରେ ।
ଉଠ, ଉଠ, ଉଠ ନିଦ୍ରା ପରିହର
ଜାତି ଓ ଧରମ ମୋହ ଦୂର କର ।
ତୋଳି ଧର ଜାଗରଣର ବାର୍ତ୍ତା ହେ ସାହିତ୍ୟିକ
ହୁଅ ଜାଗ୍ରତ ପ୍ରହରୀ ଯେତେ ଓଡିଆ ଭାଷାର ସାଧକ ।
ଆଜି ଶତବର୍ଷ ପରେ ସତ୍ୟର ସନ୍ଧାନୀ ଦେଶଭକ୍ତ ସେହି, ଅଗ୍ରଦୂତ ବିପ୍ଳବୀ ପ୍ୟାରୀମୋହନର ପଦେ ପ୍ରଣତି ମୋ ଚିତ୍ତ ରଞ୍ଜନ ନନ୍ଦ ଓ କୋଟି କୋଟି ଓଡିଆ ତରଫରୁ ଢାଳେ ଭକ୍ତି ଭରେ କୋଟି ନମନ ।