Library
Profile
ଚାଷ କାମ ଯାହାର
ଚାଷ କାମ ଯାହାର
ଚାଷୀ ଟିଏ ମୁହିଁ, ମାଟି ମୋର ସାଥୀ,
ସୂର୍ଯ୍ୟ ସ୍ଥିତି କୁହେ ପିଠି ମୋର,
'ଚାଷ ତରତର', ଭାଷା ମୋ ମୁଖସ୍ଥେ
ଶ୍ରଦ୍ଧା ରେ ମୋ କୃଷି ସମାଚାର ।
ଯେତେ ସ୍ନେହ କରେ,ମୋ ପିଲାଛୁଆଙ୍କୁ,
ତାଠୁ ବେଶି କରେ ମୋ ଜମିକୁ,
ପିଲା ଛୁଆ ଯୋଗ୍ୟ ହେବେ କେବେ ଦେବେ,
ଏବେ ଦିଏ ଜମି ବଞ୍ଚିବାକୁ ।
ଜମି ଭଲମନ୍ଦ ସକାଳୁ ସଞ୍ଜ ଯେ,
ସମୟ ମିଳିଲେ ପରିବାର,
ଶସ୍ୟଶ୍ୟାମଳା ତା ରୂପେ ଉଲ୍ଲସିତେ,
ସପନେ ଭବିଷ୍ୟ ଦେଖେ ମୋର ।
ବର୍ଷକର ଖାଦ୍ୟ, ରୋଗରେ ଔଷଧ,
ଖର୍ଚ୍ଚ ମୋ ଅଭାବୀ ସଂସାରର,
ଫସଲ ବିକ୍ରିରୁ ନିଅଣ୍ଟ ବି ପଡେ,
ବଢ଼ି ଚାଲେ ପୁଣି ଋଣ ଭାର ।
ୠଣ ଚିନ୍ତା ହୁଏ, ମୃତ୍ୟୁ ର କାରଣ,
ନିତିଦିନ ଦେଖେ ସମାଚାରେ,
କେତେଯେ ବିଜୟ ମାଲ୍ୟାଙ୍କୁ ଦେଖଇ,
କୋଟି କୋଟି ଫାଙ୍କି ବିଦେଶରେ ।
ଭାଗ୍ୟକୁ ନିନ୍ଦଇ ଏକଥା ଜାଣି ମୁଁ,
ଚାଷୀ କୁଳେ ଜନ୍ମ ଦୁଃଖ ପାଇଁ,
ଅସ୍ଥିର ପ୍ରକୃତି, ତ୍ରୃଟି କୃଷି ନୀତି,
ଅଭାବୀ ବିକ୍ରିରେ ପେଶି ହେଇ ।
ଚାଷ କାମ ଯାର କେତେ ଖୁସି ତାର,
&nbs
p; ଯୋଗାଏ ଆହାର ଦୁନିଆକୁ,
କବିତା ରେ ଲେଖି କବି ଦିବାକର,
ଜଣେଇ ଦେଇଛ ସମସ୍ତଙ୍କୁ ।
ଆଗ ଧାଡ଼ି ପଢି ଜାଣି ଚାଷୀ ଖୁସି,
ଠକିବାକୁ ମୋତେ ତତପର,
ତା ତଳକୁ ଲେଖା ପଢୁନ କି ବୋକା,
ତୁମକୁ ଯୋଗାଏ ମୁଁ ଆହାର ।
ଖାଦ୍ୟ କୁ ଭାବୁଛ ଟଙ୍କା ବଦଳରେ,
କିଣି ପାର ଯେତେ ଧନ ଦେଇ,
ଅମଳ ନକଲେ ମୁହିଁ ରେ ସହରୀ,
ବଞ୍ଚିବ କି ତୁମେ ଟଙ୍କା ଖାଇ ?
ସରଳ ହେଲେ ବି,ବୋକା ନୁହେଁ ମୁହିଁ,
ବୁଝି ପାରିବିନି ଏକଥାକୁ,
ୟୂରିଆ ସାର ଚାରି ଶହ କାହିଁକି,
ଦୁଇ ଶହ ଷାଠିଏ ବିକିବାକୁ।
(MRP.260/- per bag) ଲେଖା କିନ୍ତୁ
ବିକ୍ରି ହେଉଛି(RS.400/- per bag)
ମଣ୍ଡି ମୂଲ୍ୟ ଯେତେ ଅଧିକ ହେଲେ ବି
ଅସଲି ଚାଷୀର ନାମ ନାହିଁ,
ସରକାରୀ ମୂଲ୍ୟ ଜାଣେ ଖାଲି କେତେ,
ସେ ମୂଲ୍ୟେ କେବେ ମୁଁ ବିକି ନାହିଁ ।
ସବୁ କ୍ଷେତ୍ରେ ହୁଏ ଠକାମି ଶିକାର,
ଲେଖିବି କି ବା ନଜାଣେ କିଏ,
ଶରୀର ମୋ ସୁସ୍ଥ,ରଖ ଜଗନ୍ନାଥ
ସଭିଙ୍କୁ ଆହାର ଦେଉ ଥାଏ ।
