ଲାଇବ୍ରେରୀ
ପ୍ରୋଫାଇଲ୍
ଚାଳ ଘର
ଚାଳ ଘର
1 min
551
ମାଟି କାନ୍ଥ ଚାଳ ଛପର
ଗୋମୟ ଲିପା ମୋ ଘର
ବୋଉ ହାତ ଝୋଟି ଚିତା ରେ
ଆହା ସେ କେଡେ ସୁନ୍ଦର
ସରି ନୋହିବ ଅଳକା ପୁର ।।
ଚାଳ ଘର ନଡ଼ା ଛାଉଣୀ
ବତା ରେ ଲଇ ଛନ୍ଦଣି
ଖରା ବରଷା ର ଢାଙ୍କୁଣି
ସ୍ନେହ ର ଯୌଥ ସଂସାର
ସରି ନୋହିବ ଅଳକା ପୁର ।।
ନିଦାଘେ ଲାଗେ ଶୀତଳ
ଶୀତ କୁ ନଥାଏ ଡର
ମାଆ କୋଳେ ସଞ୍ଜ ଆସର
ଆଈ ର କାହାଣୀ ମାଳ
ସରି ନୋହିବ ଅଳକା ପୁର ।।
ପ୍ରଭାତେ ଘର ଚଟିଆ ର
ଶଦ୍ଦେ ନିଦଭାଙ୍ଗେ ମୋର
ଚାଳଘର ଓଳିତଳେ ସେ
କରିଥାଏ ବସା ତା’ର
ସରି ନୋହିବ ଅଳକା ପୁର ।।
ଚାଳ ଘରେ ଚାଳ ଉପରେ
ଡଙ୍କ ଲାଉ କଖାରୁ ର
ମାଡି ଥାଏ ଫୁଲ ଫୁଟେ ରେ
ଦେଖିଲେ ଲାଗେ ସୁନ୍ଦର
ସରି ନୋହିବ ଅଳକା ପୁର ।।
ପିଲାବେଳ ନାହିଁ ସେ କାଳ
ନାହିଁ ଆଉ ଚାଳ ଘର
ଘର ଚଟିଆ ତ ନାହାଁନ୍ତି
ସପନ ଦେଖିବା ସାର
ସରି ନୋହିବ ଅଳକା ପୁର ।।
