ଚାହେଁନା

ମୁଁ ଜାଣେନା 

ଆଉ କେବେ ହେବକି ନାହିଁ ଦେଖା 

ମୁଁ ଚାହେଁନା

କରିବାକୁ ତୋ ସହ ଆଉ ଦେଖା । 

ସୁଖି ଯାଉଥିବା ଘା 

ଗଲାଣି ମିଶି ମୋ ଚମରେ 

ତାକୁ ଆଉ ଖୁଣ୍ଟି 

ରକ୍ତାକ୍ତ ହେବାକୁ ଚାହେଁନା । 

ହୃଦୟ ର ଦାଗ ନ ମିଶିଲେଭି 

ଗଲାଣି ଦବି ସ୍ମୃତିର ଅନେକ ସ୍ତର ତଳେ 

ତାକୁ ଇତିହାସ ରୁ ଖୋଳି 

ବର୍ତ୍ତମାନ କୁ ଧୂଳି ଧୂସର କରିବାକୁ ଚାହେଁନା । 

ତୋ ଶବ୍ଦ ଆଉ ସ୍ୱର ଗଲାଣି ହଜି 

ତୋ ବିନା ବଞ୍ଚିବାର କଳା ମଣିଷ ଗଲାଣିଶିଖି 

ତୋର ପୁନଃ ଉପସ୍ଥିତିରେ ନୁଆଁ ,

ଜୀବନ କଳା ଆଚରଣ କରିବାକୁ ମୁଁ

ଚାହେଁନା । 

ଚାହେଁନା,ସାଂସାରିକଜୀବନର ସେ ମୋହ ମାୟା 

ଏକୁଟିଆରେ କିଛି କଷ୍ଟ ଅଛି 

ମାତ୍ର , ତୋ ସହ ରହି 

ଆଉ ମାନସିକ ଯନ୍ତ୍ରଣା ଚାହେଁନା । 

ସବୁକିଛି ନିଜ କରିବାକୁ ପଡେ 

କେବେ ଜଳେ କେବେ ପୋଡେ 

ହେଲେଭି, ସେ ଚାହା କପେ 

ତୋ ହାତରୁ ମୁଁ ଆଉ ଚାହେଁନା । 

ତୋ ଉପସ୍ଥିତିରେ 

ମୁଁ , ମୋ ଅନେକ ଚାହିଁବାକୁ ମାରିଛି 

ଏବେ ତୁ ମୋ ପାଇଁ ମରିଗଲା ପରେ 

ମୋ ଜୀବନେ , ପୁଣି ତୋତେ ବଞ୍ଚାଇବାକୁ ଚାହେଁନା ।