ଲାଇବ୍ରେରୀ
ପ୍ରୋଫାଇଲ୍
ବୟସର ସାୟାହ୍ନ
ବୟସର ସାୟାହ୍ନ
1 min
126
ଯେଉଁ ପୁଅକୁ ଭରସା କଲି
ସିଏ କରିଦେଲା ପର
ମନର ଦରଦ କାହାକୁ କହିବି
କିଏ ଏଠି ନାହିଁ ମୋର ।।
ପର କରିଦେଲା ଦେଲା ପୁଅଟା ମୋର
ନୂଆବୋହୁ ଟିଏ ପାଇ
କିଛି ମାଗିନାହିଁ ମଲାବେଳେ ଖାଲି
ମୁଖାଅଗ୍ନି ଦେବ ଯାଇ ।।
ଏଇ ବୋଧେ ମୋର ଭାଗ୍ୟର ଫଳ
ଘଟୁଛି ଜୀବନେ ଏକା
କପାଳ ଲିଖନ କେ କରିବ ଆନ
ଯାହା ଅଛି ମୋର ଲେଖା ।।
ଏକା ତ ଆସିଛି ଯିବି ଏକା ଏକା
କିଏ ହେବ ମତେ ସାହା
କର୍ମ କଲେସିନା ପେଟ ମୋ ପୁରିବ
ଚାଲୁଥିଲେ ଚଉବାହା ।।
