ବୟସର ଚଢ଼େଇ ତୁ ହୋଇଲୁ ବଡ଼

ବୟସର ଚଢ଼େଇ ତୁ ହୋଇଲୁ ବଡ଼

ଡେଣା ଝାଡ଼ି ଚାଲିଯାଆ ଖୋଜିବୁ ନୀଡ଼ 

ବୟସର ଚଢ଼େଇ ତୁ ହୋଇଲୁ ବଡ଼ ! ୦ !

ସ୍ବାର୍ଥପର ପବନଟା ରହିଛି ଏଠି

ମିଛେ ଖାଲି ଦେଖାଉଛି ପୁରୁଣା ଚିଠି

ଶୁଣେନାହିଁ ସେଇକଥା ଆସୁଛି ଝଡ଼

ବୟସର ଚଢ଼େଇ ତୁ ହୋଇଲୁ ବଡ଼ ! ୧ !

ନିଜ ପାଇଁ ନିଜେ ଭାବି କାଟିଦେ ବେଳ

ସମୟର ପଡ଼ିଆରେ ଚାଲିଛି ଖେଳ

ସହିଯାରେ ଦିନେ ଅଧେ ଅବୁଝା ତୋଡ଼

ବୟସର ଚଢ଼େଇ ତୁ ହୋଇଲୁ ବଡ଼ ! ୨ !

ସୁଖ ଗୀତ ଦିନେ ହେଲେ ଦେବୁ ତୁ ରାବ

ଖୁସି ଫୁଲ ଫୁଟୁଥିବ ବାସନା ଭାବ

ବଦଳିବ ସକାଳଟା ନୂତନ ମୋଡ଼

ବୟସର ଚଢ଼େଇ ତୁ ହୋଇଲୁ ବଡ଼ ! ୩ !