Library
"ମା"
"ମା"
ସେ ଜନନୀ ଜନ୍ମଭୂମି
ସେ ଦେଶ ସେ ବିଶ୍ଵ
ସେ ସହର ସେ ଗାଁ
ସେହି ଆମରି ମା ।
ସ୍ଵର୍ଗ ଠୁ ବଳୀ ଗରୀୟସୀ ସେ
ସହନଶୀଳା ପାଳକର୍ତ୍ତ୍ରୀ
ଜନ୍ମଦାତ୍ରୀ ଅଟେ ସେ ସର୍ଵଂସହା
ତା ଠାରେ ଥାଏ କ୍ଷମା ଓ ଦୟା
ମାଟି ଓ ଆକାଶେ ଗଢା ଟି ତା'ର କାୟା
ସେହି ଆମରି ମା ।
ତା ପାଇଁ ଆମ ପରିଚୟ ଟି
ଗର୍ଭଧାରିଣୀ ସେ ଆମରି ମା
ପ୍ରଥମ ଗୁରୁ ମାତୃଭାଷା ମାତୃଭୂମି ରେ
ଭକ୍ତି ସଂଚାରଇ
ଏ ଧରାଧାମେ ସେହି ଆମରି
ସୂଚାଇ ଥାଏ ନାଁ
ପାପ ପୁଣ୍ୟ ମଧ୍ୟେ ପାର୍ଥକ୍ୟ ଦେଖାଏ
ଅଜ୍ଞାନ ରୂପକ ଅନ୍ଧକାର କୁ ଦୂରେଇ ଦେଇ
ଜ୍ଞାନାଲୋକେ ଭରି ଦିଏ ଯେ
ସେ ମୋ ପ୍ରିୟ ମା ।
ସଂସ୍କାର ଠାରୁ ସଂସ୍କୃତି ଯାଏ
ଜ୍ଞାନଦାତ୍ରୀ ସେ ମୋ ମା
ନ୍ୟାୟ ଅନ୍ୟାୟ ଧର୍ମ ଅଧର୍ମ ମଧ୍ୟେ
ପାର୍ଥକ୍ୟ ଦେଖାଇ ବୁଝାଇଥାଏ ଯେ
ସଂସାର ର ସବୁ ସତ ମିଛର ମାୟା
ସେ ନୁହେଁ ଆଉ କିଏ
ସେ ମୋ'ର ପ୍ରିୟ ମା ।
ଗାଁ ହୃଦୟେ ଦେଖେ
ମୁଁ ମୋର ମା
ସହର ବୁକୁରେ ଦର୍ଶନ କରେ
ସ୍ନେହ ଶ୍ରଦ୍ଧା ର ପ୍ରତିମୂର୍ତ୍ତି ମୋ ମା
ଦେଶେ ବିଦେଶେ ସମଗ୍ର ବିଶ୍ଵେ
ଦେଖେ ମୋ ମମତାର ପ୍ରତିମୂର୍ତ୍ତି ମା ।
ପରିବାର ଠାରୁ ପରିବେଶ
ଦେଶ ଠାରୁ ସମସ୍ତ ବିଶ୍ଵ
ସବୁଠି ମା'ର ମାୟା ଓ ଛାୟା
ସେ ବୀରପ୍ରସବିନୀ ସୁରପ୍ରସବିନୀ
ମୁକ୍ତି ଦାୟିନୀ ଭକ୍ତି ପ୍ରଦାୟିନୀ
ଅଜ୍ଞାନ ଅନ୍ଧକାର ଦୂରକାରିଣୀ
ସମଗ୍ର ଜୀବଜଗତର ମା ।
ଶାନ୍ତି ର ପ୍ରତୀକ
ମୁକ୍ତିର ପଥ ପ୍ରଦର୍ଶକ
ଅନ୍ୟାୟ ଅଧର୍ମ ବିନାଶକ
ଜନ୍ମ,କର୍ମ ଓ ଧର୍ମର ଜ୍ଞାନଦାତ୍ରୀ
ଅସୁର ବିନାଶିନୀ
ସନ୍ଥ ପାଳିନୀ ସେହି ଆମରି ମା ।
ମା'ର ସମ୍ମାନ ମତୃ ଜାତି ର
ସୁରକ୍ଷା ଓ ସମ୍ମାନ ନିମନ୍ତେ
ପାଳଇ ମାତୃ ଦିବସ
ଶାନ୍ତି, ମୈତ୍ରୀ ଓ ପ୍ରୀତି ରେ
ଯେବେ ସଭିଙ୍କ ମୁଖେ ଫୁଟିବ ହସ
ମା ମାଟି ଆମ ଜନ୍ମଦାତ୍ରୀ ମୁଖେ
ଫୁଟିବ କାଳ କାଳକୁ ହସ
ମଣିଷ ମଣିଷ ମଧ୍ୟେ ନ ଥିବ ହିଂସା ଓ ଦ୍ୱେଷ
ସେବେ ହସିବ ଆମ ଜନ୍ମ ଦାତ୍ରୀ ମା
ହସିବ ଆମ ଗାଁ ହସିବ ଆମ ସଂସାର
ହସିବ ଆମ ଜନ୍ମ ମାଟି ହସିବ ଆମ ଦୁନିଆଁ ।
