ବୟସ୍କର ମନବୋଧ
ବୟସ୍କର ମନବୋଧ
କିଏ ମୋତେ ଡାକେ ବାପା- କିଏ ମଉସା,
କାହାର ମୁଁ ପୁଅ ପୁଣି କାହା ପିଉସା ।
ଅଜାବୋଲି ଡାକେ ନାତି,ପତ୍ନୀର ମୁଁ ସିନା ପତି;
କାହାପାଇଁ ହୋଇଛି ମୁଁ ଅଚଳ ପଇସା ।(1)
କାହାପାଇଁ ମୁହିଁ ପର କିଏ ନିଜର,
କିଏ ପାଇବାକୁ କହେ-ତୁମେ ଆମର ।
ଦେବାକଥା ଯଦି ପଡ଼େ, କିଏ ପୁଣି ହାତ ଛାଡ଼େ;
ସେବା କରିବା ବେଳକୁ ସିଏ ତମର ।(2)
ନେବାକୁ ମୋ ଧନ-ମାନ ସବୁ ଆଗୁଆ,
ମିଛ ମାୟା ଭ୍ରମ ଭରା ଏଇ ଦୁନିଆ ।
ଖାଲିହାତେ ଆସିଥିଲି, ଖାଲିହାତେ ଯିବିଚାଲି;
ଛନ୍ଦିହୋଇ ମିଛଟାରେ ହେଲି ହାଲିଆ ।(3)