ଲାଇବ୍ରେରୀ
ପ୍ରୋଫାଇଲ୍
ବ୍ୟାୟାମ
ବ୍ୟାୟାମ
1 min
384
ଜୀବନେ ଆମର ହେଲେ ବ୍ୟତିକ୍ରମ
ସୃଷ୍ଟି ହୁଏ ନାନା ରୋଗ
ଧନ ଥାଇ ମନ ବଡ ହୀନିମାନ
କଷ୍ଟ ହୁଏ ବହୁ ଭୋଗ।
ବ୍ୟାୟାମ କରିବା ଦେହ ପାଇଁ ହିତ
ଅଟେ ଆମ ମିତ ସେହି
ରହିବା ନୀରୋଗ କରୁଥିଲେ ଯୋଗ
ଭୁଲିବା ନାହିଁଟି କେହି।
ସକାଳ ବୁଲାରେ ଫୁର୍ତ୍ତି ଲାଗିଥାଏ
ହାଲୁକା ଲାଗଇ ମନ
ଆନନ୍ଦରେ ବିତେ ସମୟ ଆମର
ଜଣା ପଡେନାହିଁ ଦିନ।
ସୂରୁଜ ଦେବଙ୍କୁ ଜଳଦାନ ଠାରୁ
ରାତ୍ରିର ଶୟନ ଯାଏଁ
କର୍ମ କରୁଥିଲେ ଯୋଗ ଚାଲିଥାଏ
ସହଜ ଆପଣା ଛାଏଁ।
