ଲାଇବ୍ରେରୀ
ପ୍ରୋଫାଇଲ୍
ବୁଝାମଣା
ବୁଝାମଣା
1 min
163
ଜଗୁଆଳି ବସି ବୁଝାମଣା କରେ
ମାରି ଜଙ୍ଗଲର ଗଛ
ଟଙ୍କା କେଇଟାରେ ବୃକ୍ଷ କଟାଯାଏ
ସରକାରୀ ବାଡ଼ ମିଛ
ଦନେଇ ବୁଢାଟା ବୁଝେନା ଷଠତା
ବିକି ଦିଏ ଛଅ ମାଣ
କନ୍ୟାରତ୍ନ ସାଥେ ଡାଉରୀ ଦିଏ ସେ
ଭୋଗେ କେତେ ଯେ କଷଣ
ରୋଗରେ ପିଡିତ ବିଶିକେଷନ ଯେ
ସୁସ୍ଥ ପାଇଁ ମୂଲଚାଲ
ଡାକ୍ତରର ପେଟ ନପୁରିବା ଯାଏ
ବୁଡିପାରେ ମାଆକୋଳ
ମନ୍ତ୍ରୀଙ୍କର ଆଗେ ଯନ୍ତ୍ରୀଙ୍କର ଶେଷେ
ଠିକାଦାର ଭାଗ ଛିଡେ
ସଡ଼କ କାମରେ କଙ୍କ୍ରିଟ ବଦଳେ
କୁଟାକାଠି ଯହିଁ ପଡେ
ସ୍ତ୍ରୀ ବୁଝେ ନାହିଁ ଭାଇ ବି ବୁଝେ ନି
ବୁଢ଼ା ବାପର ଯେ ଦୁଃଖ
ଓଳିଏ ଏପାଖେ ଓଳିଏ ସେପାଖେ
ମରେ ନାହିଁ ବାପ ଭୋକ
ଏ କି ବୁଝାମଣା କରୁଛି ଦୁନିଆଁ
ସଂଶୟ ମନରେ ଆସେ
ଛ'ଖଣ୍ଡ କାଠକୁ ଚାଖଣ୍ଡେ ଜାଗା ର
ଜୀବନ ଯାତ୍ରା ଯେ ଦିଶେ
ଫୁଙ୍ଗୁଳା କର ସେ ମନକୁ ତୁମର
ବୁଝାମଣା ଦୂର ହେଉ
ସୁଖର ଲହରୀ ଛୁଇଁବ ଏପାରି
ସତ୍ୟର ହିଁ ଜୟ ହେଉ
