🙏ସତ ଲୁଚି ହିଁ ରହେନା 🙏

ସେଇ ଝାଟିମାଟି ର ଘର
ସ୍ନେହ, ପ୍ରେମ ର ପରିବାର
ଶାଗ ପଖାଳ ରେ ଗଢା ମଣିଷ
ପୁରିଥିଲା ସତ ସରଗର ସୁଖ
ଜଞ୍ଜାଳ ଥାଇ ବି ଥିଲା ପ୍ରକୃତ ହସ
ଶାନ୍ତି ର ନିଦରେ ଶୋଇଗଲା ବେଳେ
ଆସେ ଯେ ସପନ ,ସେ ପୁଣି ବୁଢ଼ିମା ଶୁଣେଇ ଥିବା
ଗଳ୍ପର ସାମଞ୍ଜସ୍ୟରୁ କିଛି ଖଣ୍ଡ ନେଇ
ନିଆରା ସେ ସଞ୍ଜ-ସକାଳ
ମଧୁଭରା ଚିତ୍ତ ବିନୋଦନ
ଆଉ ଅଭାବ ଭିତରେ ଭାବ
ଗାଁ ନାଟ ରେ ଦିନାର 'ସୁଦାମା' ଚରିତ୍ରର ଅଭିନୟ
ସେ ଦୃଶ୍ୟରେ ବି ଝରୁଥିଲା ସମ୍ପର୍କର ସତ ଲୁହ
ଖାଇ ବସିବାରେ ବଚ ମା ଘର ତିଅଣ
ଆହା କି ଥିଲା ଆତ୍ମିୟତା ର ମହକ

ବୟସ ତ ବଢ଼ିଛି ,ତା ସହ ଜଞ୍ଜାଳ
ନେଶି ହୋଇଯାଏ ବହଳ କୁହୁଡ଼ି
ଉଦାସୀନତା ର ଥୁଣ୍ଟା ବରଗଛ
ଭାଙ୍ଗି ଯାଇଛି ଭରସାର ବସା
କିଏ ଦେଲା ଛଳନାର, ଅଦିନିଆ ଝଡ଼
କିଏ କାଟିଦେଲା ବିଶ୍ୱାସର ସୂତା ଖିଅ କୁ
ଅଭିମନ୍ୟୁ ର ଚକ୍ରବ୍ୟୁହ ପରି
ଦୋଛକିରେ ସରଳ ଜୀବନ

କିଏ ଭରିଦେଲା ସମ୍ପର୍କରେ ଜହର
ଆଉ ଆପଣା ଭିତରେ ଲକ୍ଷ୍ମଣର ଗାର
ତଥାପି , କଳା ନଜରର କଳା ବାଦଲ ଟା
ମଥା ଦେଇ ଚାଲି ଯିବ ତ, ନିଶ୍ଚୟ
ହେଲେ ଖୋଲି ଦେବ ଆଜି
ସେହି  ଛଦ୍ମବେଶୀ ର ପ୍ରକୃତ ପରିଚୟ
ଯେମିତି କୋଇଲି ବସାରେ କୁଆ ର ଠିକଣା
ସାତ ତାଳ ପଙ୍କେ ସତ ଲୁଚି ହିଁ ରହେନା


 ପୁରୁଷୋତ୍ତମ ନାୟକ
 କେନ୍ଦ୍ରାପଡ଼ା