ବୁଢା ବାପା ମା

ରେ ବାଇମନ କାହିଁ ଏମିତି ହଉଛୁ

ଅନ୍ୟାୟ ଅନୀତି କରୁଛୁ

ସ୍ୱାର୍ଥାନ୍ଧ ହେଉଛୁ

ଗର୍ବ ଦମ୍ଭ ରେ ଫୁଲୁଛୁ 

ବାପ ମା ଙ୍କୁ ଅବହେଳା କରୁଛି

ଆରେ ସେମାନେ ସାକ୍ଷାତ ଦେବତା

ଏକଥା କେମିତି ଭୁଲିଯାଉଛୁ l

ଦଶ ମାସ ଗର୍ଭ ରେ ରଖି

କେତେ କଷ୍ଟ ସେ ମାଆ ସହିଛି

ତୋତେ ଟିକେ ଖୁସି ଦେବା ପାଇଁ

ନିଜ ସୁଖ ବଳି ଦେଇଛି

ତୋ ପେଟରେ ଟିକେ ଦାନା ଦେଇ

କେତେ ସେ ଉପାସ ରହିଛି

ତୋର କେତେ କେତେ ଅଳି ଅଝଟ

ସବୁକୁ ସେ ଯେ ସହିଛି 

ତୋତେ ବଞ୍ଚାଇବା କୁ ଯାଇ

କେତେ ସେ ସଂଘର୍ଷ କରିଛି

ତୋର ଶୁଭ ମନାସି

କେତେ ଯେ ଦୀପ ଜାଳିଛି

ହେଲେ ଆଜି ମରୀଚିକା ପଛେ ଧାଉଁଛୁ

ଆଉ ସବୁ ଭୁଲି ଯାଉଛୁ l

ମାଆ ଟା ଆଜି ବୁଢ଼ୀ ହେଇଗଲା ଯେ 

ସବୁବେଳେ ଖେଟେ ଖେଟେ ହଉଛୁ

ସେବା ଭଲ ପାଇବା ତ ଦେଉନୁ ବାବୁ ରେ

ତିରସ୍କାର ତୁଇଁ କରୁଛୁ

ଘରେ ଦୁଇଟା ଖାଇବାକୁ ଦେଉଛୁ ବୋଲି

ବୋଝ ବୋଝ ତୋତେ ଲାଗୁଛୁ

ଘରୁ ବାହାରକରି ଦେଇ

ବୃଦ୍ଧାଶ୍ରମ ରେ ରଖିବା କଥା ଭାବୁଛୁ 

ଏହି କଣ ତୋର ମାନବିକତା

ଭୁଲିଯାଉଛୁ ଯେ

ତୁ ବି ଦିନେ ବୁଢା ହେବୁ 

ତୋର ବି ବଳ ବୟସ ସରିବ

ଯେଉଁ ବାପା ମା ଙ୍କୁ ଖରାପ ବ୍ୟବହାର କରୁଛୁ

ତୁ ବି ସେଇଥିରେ ଶୀକାର ହେବୁ

ଏଣୁ ରେ ବାଇମନ

ବେଳଥାଉ ଥାଉ ସୁଧୁରି ଯାଅ

ପିତା ମାତା ଙ୍କୁ ସମ୍ମାନ ଦିଅ l