ବର୍ତ୍ତମାନ
ବର୍ତ୍ତମାନ
କେଉଁଠି ଆରମ୍ଭ କେଉଁଠାରେ ଶେଷ
ଦୁଃଖମୟ ଏ ଜୀବନ,
ଅତୀତ, ଭବିଷ୍ୟ ମଝି ସୋପାନରେ
ଶୋଭାୟିତ ବର୍ତ୍ତମାନ |
ଭାଗ୍ୟ,ଭବିଷ୍ୟତ କର୍ମଫଳ ଦ୍ୱୟ
ଭୋଗ୍ୟ ଏହି ଜନମରେ,
ଯାତନା,ଯନ୍ତ୍ରଣା ସୁଖ ଆସ୍ଵାଦନା
ମିଳେ କଷଟି ପଥରେ |
କହି କେ ପାରିବ ପ୍ରାରବ୍ଧ ରହସ୍ୟ
ସତ୍ୟ ଅବା ମିଥ୍ୟା ଇଏ,
ବେଦ,ପୁରାଣରେ ପ୍ରଚ୍ଛଦ ପଟ୍ଟରେ
ବର୍ଣ୍ଣନାକାର ଯା କହେ |
ସୁଖୀ ଲୋକ ଅବା ପୁଣ୍ୟ କରିଥିଲା
ପାଏ ଇହଲୋକେ ସୁଖ,
ଦୁଃଖୀର ଜୀବନ ସଦା କଷ୍ଟମୟ
ମିଳୁଥାଏ ସଦା ଦୁଃଖ |
ମନତଳେ ଉଙ୍କି ମାରୁଥାଏ ଏଠି
ହଜାର ଅୟୁତ ପ୍ରଶ୍ନ,
କେଉଁଠୁ ପାଇବି ଉତ୍ତର ଏହାର
ଲାଗେ ଅତି ଯେ ବିଷମ |
ବିଷମୟ ଏଠି ହେଲାଣି ସଂସାର
ଏକି ଅଟେ ଭାଗ୍ୟ ଲେଖା,
ପ୍ରତିଦିନ ଘଟେ ଘୃଣ୍ୟ ଅତ୍ୟାଚାର
ବର୍ତ୍ତମାନ ଲାଗେ ଫିକା |