ମୃଗୟା
ମୃଗୟା
କାହାପାଇଁ ତୁମେ
ମଧୁ ଯାମିନୀର ମଧୁଶାଳା
ମଧୁର ଲଗନେ ରଚିତ ଖଚିତ
ମଧୁମାସ ମୁଖଶାଳା ।
କାହାପାଇଁ ତୁମେ
ମୃଗନୟନୀ ନାୟିକା ଶୈଳବାଳା
ମନ୍ଦହାସୀ ଚାରୁଶିଳା
ମୁକୁତା ରହିତ ବଂଚିତ
ସର ଲବଣୀ ପିତୁଳା
ମ୍ରିଦୁଳା ମିଷ୍ଟଭାଷୀ ଲଜ୍ୟାଶିଳା ।
କାହାପାଇଁ ତୁମେ
ମୁଗ୍ଧା ପ୍ରେମୀକା ଗିରିବାଳା
ଆଜାନୁଲମ୍ବିତ କୁନ୍ତଳା
ଫୁଲ ଚନ୍ଦନର ସୁବାସ ବିତରି
ଚନ୍ଦନ ଚର୍ଚ୍ଚିତା ଅର୍ଚ୍ଚିତା ମେଘମାଳା ।
ଛାଡ଼ ସେ କଥା
ମର୍ମ ବେଦନା ବ୍ୟଥା
ତୁମ ମୁଖମଣ୍ଡଳ ବାହୁ ଯୁଗଳ
ମନେ ପଡ଼ିଗଲେ
ବିହ୍ଵଳ ପାଗଳ ବିଲ୍ଵମଙ୍ଗଳ ପରି
ଝୁରି ବୁଲେ ମୁଁ
ଖାଇ ଦେଇ ପେଟେ ପଖାଳ |
ମୋ' ପାଇଁ ତୁମେ
ଅଜ୍ଞାତ ଅନାମଧେୟ ଅମୃତଫଳ ମାୟା
ଲାବଣ୍ୟବତୀ ସମ ଦୀର୍ଘ କେଶର ଛାୟା
ମହମ ପିତୁଳା ସିଂହକଟୀର କାୟା
ପଦ୍ମ ପାପୁଲିର କୋରକିତ ଜାୟା
ଆଘ୍ରାଣ କରିବାକୁ ଥରେ
ମନ ସ୍ପନ୍ଦନରେ ଜାଗେ
ଆସୁରିକ ପ୍ରବୃତ୍ତି ମୃଗୟା ।
ଭାବୁ ଭାବୁ ଜୀବନ ପଥ ମୋ
ମିଶିବ ଦିଗବଳୟ ତଳେ
ଅବୁଝା ଅଶୁଝା ରହିଗଲା ଜାଣ
ତୁମ ଭୂଜ-କରଜ ପାଉଣା
ପାଶୋରି ପାରୁନି ପହଁଛି ଅସ୍ତାଚଳେ ।