ଚାଚା ଫେରିଆସ
ଚାଚା ଫେରିଆସ
କାହିଁକି ବଢୁଛି ବାୟୁରେ ବିଷ
ଛଡାଇ ନେଇଛି କିଏ ଶିଶୁର ହସ
କାହିଁକି ବଢୁଛି ଜଳରେ ଗଛ ସୋରିଷ
ଶିଶୁର ଆଖିରେ ଫୁଟୁନି ପଦ୍ମ ହସ
କାହିଁକି ବଢୁଛି ପ୍ରଦୂଷଣ ବିଷ
ଶିଶୁ ମନେ ଯେଣୁ ନାହିଁ ସରସ
ଯୁଦ୍ଧ ଆତଙ୍କ ବିଭୀଷିକାର କରାଳ ଗ୍ରାସ
ଛଡାଇ ନେଇଛି ଶିଶୁର ପାଖୁଡେ ହସ
ଚନ୍ଦ୍ରରେ ସୂର୍ଯ୍ୟରେ ଗ୍ରହଣ ପରାଗ ଦୋଷ
କେମିତି ଫୁଟିବ ଶିଶୁ ଓଠେ ସ୍ମିତହାସ୍ୟ
ଜଳରେ ସ୍ଥଳରେ ଗଗନେ ପବନେ ରୋଷ
ଶିଶୁର ଆଖିରେ ଭୟ ସହସ୍ର
ଶିଶୁ ଖୋଜୁଛି ଚାଚା ନେହେରୁ ସ୍ପର୍ଶ
ଆସ ଫେରିଆସ ଗୋଲାପ ମହକେ ବାସ
ଶିଶୁ ହସିବ ନଥିବ ଭୟ ସନ୍ତ୍ରାସ
ପାଣି ବହିବ ତଳକୁ ପ୍ରଖର ସ୍ରୋତ
ପବନ ବହିବ ଉତ୍ତରା ନଥିବ କ୍ଳେଶ
ପ୍ରଦୂଷଣ ମୁକ୍ତ ଦୁନିଆଁରେ ପସରା ହସ
ଯୁଦ୍ଧ ଆତଙ୍କ ବିଭୀଷିକାର କରାଳ ନଥିବ ଲେଶ
ଶିଶୁ ହସରେ ଜଗତ ବଶ ଭରି ସୁବାସ
ଧେଇ ଧେଇ ଧେଇ ତାଥେଇ ତାଥେଇ ପାଦ ସ୍ପର୍ଶ
ନାଚିବ ମେଦିନୀ ଫୁଟିବ ପଦ୍ମିନୀ ଚାଚା ଆସ ।