ଅନାମଧେୟ

ଅପେକ୍ଷିତ ସେ ମୁହୂର୍ତ୍ତ ର

ଯେଉଁଦିନ ଆସି ଦେଖାଦେବ

ବଖାଣିବି ଅନେକ ଅକୁହା କଥା

ଗୁମର ଖୋଲିବ ସେ ବିଗତ ଦିନର

ସତେକି ଫିଟିଯିବ ଗଣ୍ଠି ମନୋମାଳିନ୍ୟର

ହଜିଯିବା ଏକ ଆରେକର ଚକ୍ଷୁ ପାରାବାରେ

ଉଠୁଥିବ ପ୍ରେମର ତରଙ୍ଗ

ତମେ ଚାହିଁଥିବ ମୁଁ ଚାହିଁଥିବି

ଯଦିଓ ଥିବ ଦୂରତା ଶରୀରର

ହଁ ଏ ତ ମନର ସାକ୍ଷାତ

ଅଚେତନ ରେ ହେଉ ଅବା ଚେତନ ରେ

ତମେ ନୀରବ ମୁଁ ବି ନୀରବ

କହୁଥିବ କଥା ସେ ନୀରବତା

ରହିଯିବ କଣ୍ଟା ସେ ସମୟ ଘଡ଼ିର

ଘୁରୁଥିବା ଆମେ ସ୍ୱପ୍ନ ବଳୟ ରେ

ବିଦାୟ ଘଡ଼ିରେ ପଚାରିବ

କହିଦିଅ ନାମ କଣ ଏ ସମ୍ପର୍କ ର

ନାମ ଟା ଯେ ସମ୍ପୂର୍ଣ୍ଣ ଅନାମଧେୟ ll