ବ୍ରତ
ବ୍ରତ
ଜୟ ସକଳ ବ୍ରହ୍ମଜାତ
ବିଶୁଦ୍ଧ ଗୁଣ କ୍ରିୟାତୀତ "
ବ୍ରହ୍ମଙ୍କ ଆଦେଶ ପାଇଣ
ବ୍ରହ୍ମା ଯେ ସୃଷ୍ଟି ଭିଆଇଣ "
ଅସୁର, ଦେବ ଓ ମାନବ
ସୃଷ୍ଟି ଯେ କଲେ ବ୍ରହ୍ମଦେବ "
ଶ୍ରେଷ୍ଠ ଜୀବର ଆଖ୍ୟା ଦେଲେ
ବୁଦ୍ଧିମାନ ବୋଲି କହିଲେ "
ନିକ ସମସ୍ୟା ସମାଧାନ
ସର୍ବଦା ଥାଏ ସାବଧାନ "
ତିନି ଜାତିଙ୍କଠୁ ଉର୍ଦ୍ଧ୍ୱରେ
ରଖି ମାନବ ଜାତିକୁରେ "
ଦ୍ୱାପର ବିଲୟ ସମୟ
କଳିର ଆରମ୍ଭ ଯେ ଶ୍ରେୟ "
ଉପବାସ ବ୍ରତ ସୃଷ୍ଟିରେ
ମନବଳାଇଲେ କଳିରେ "
ସ୍ୱର୍ଗପୁରର ଦେବି ଯେତେ
ସମସ୍ତେ ଆସନ୍ତି ମରତେ "
ଶାସ୍ତ୍ର ମଧ୍ୟରେ ପୂଜା ଵିଧି
ଲେଖିଣ କରିଛନ୍ତି ଶୁଦ୍ଧି "
ପୂଜାର ପଦ୍ଧତି ମାନିଣ
ପୂଜିବ ଯେ ଭକ୍ତି ରଖିଣ "
ହୃଦୟ ମଧ୍ୟେ ଭକ୍ତି କରି
ପୂଜିବ ମନ ମଧ୍ୟେ ସ୍ମରି "
ମନସ୍କାମନା ପୂର୍ଣ୍ଣ ହେବ
ଭକ୍ତିରେ ସନ୍ଦେହ ନଥିବ "
କେଉଁ ବାରରେ କେଉଁ ବ୍ରତ
ପାଳନ କରିବ ତ୍ୱରିତ "
ଶାସ୍ତ୍ରରେ ବର୍ଣ୍ଣନା ହୋଇଛି
ପାଳନେ ପାଅ ସବୁକିଛି "
ସପ୍ତାହକ ଯେ ସାତ ଦିନ
ପୂଜା କରିବ ନୀତି ଦିନ "
ପୂଜାର ପଦ୍ଧତି ମାନିବ
ତେବେ ଈଶ୍ୱର ପ୍ରିୟ ହେବ "
ହୃଦୟେ ଭକତି ରଖିଣ
ଡ଼ାକିବ ରଖ ନାରାୟଣ "
ସଷ୍ଟାଙ୍ଗ ପ୍ରଣିପାତ ହୋଇ
ମନେ ଚିଂତିବ ରଘୁସାଇଁ "
ସର୍ବସ୍ୱ ତାଙ୍କ ଦାନ ବୋଲି
କହିବ ଅଟେ ମନ ଖୋଲି "
ସୁକର୍ମ କରୁଥିବ ନୀତି
ମନରେ ରଖିଣ ଭକତି "
ମହାପୁରୁଷଙ୍କ ବାଣୀକୁ
କର୍ମରେ ଲଗାଅ ରୀତିକୁ "
ସପ୍ତାହର ପ୍ରଥମ ବାର
ପୂଜା କରଯେ ରବି ବାର "
ରବିବାର ପୂଜା କରିଲେ
ମନ ପବିତ୍ର ହୁଏ ଭଲେ "
ସୋମବାରରେ ପୂଜା କରି
ହୃଦୟେ ସ୍ମରଣ ଯେ ହରି "
ସର୍ବସିଦ୍ଧି ପ୍ରାପ୍ତ ହୋଇବ
ଜଗତେ ଯଶ ଯେ ବଢିବ "
ମଙ୍ଗଳ ବାର ପୂଜା କଲେ
ରିଷ୍ଟ ଖଣ୍ଡନ ହୁଏ ଭଲେ "
ସନ୍ତାନ ସୁଖ ପ୍ରାପ୍ତ ହୁଏ
ଜଗତ ମଧ୍ୟେ ଖ୍ୟାତି ପାଏ "
ତାପରେ ଆସେ ବୁଧ ବାର
ଭକ୍ତି ରେ କର ଉପଚାର "
ଜ୍ଞାନ ପ୍ରାପ୍ତି ଯେ ପ୍ରକାଶିବ
ଜଗତେ ପ୍ରଂଶସିତ ହେବ "
ଜ୍ଞାନ ଯେ ଅମୁଲ୍ୟ ସମ୍ପଦ
ଆୟତକର ଭେଦି ଭେଦ "
ମନୁ ଅଜ୍ଞାନ ଦୂର ପାଇଁ
ପୂଜା କରିବ ମନ ଦେଇ "
ଗୁରୁବାର ଯେ ଶ୍ରେଷ୍ଠ ବାର
ପୂଜିବ କରି ଉପଚାର "
ମନରେ ଭକତି ରଖିଣ
ପ୍ରଭୁଙ୍କ ମନରେ ସ୍ମରୀଣ "
ମହାଲକ୍ଷ୍ମୀଙ୍କ ବାର ଏହି
ସୁଦଶା ବ୍ରତ ଯେ ପଡଇ "
ବିଧିରେ ଲକ୍ଷ୍ମୀପୂଜା କର
ପାଇବ ନିଶ୍ଚେ ଉପକାର "
ଶାସ୍ତ୍ରରେ ପ୍ରମାଣ ରହିଛି
ଯୁଗ ଯୁଗରେ ଘଟିଅଛି "
ଲକ୍ଷ୍ମୀ କୋପ ପଡେ ଯାହାକୁ
ହତସିରି ଗୋଡ଼େ ତାହାକୁ "
ସେ ଚକ୍ର ବରର ନାୟିକା
ସେ ମହାଲକ୍ଷ୍ମୀ ବିନାୟିକା "
ଅଟଇ ସେ ଧନର ସ୍ଥାନ
ସେ ଅଟେ ଧନୀର କାରଣ "
ତାପରେ ଆସେ ଶୁକ୍ରବାର
ବିଧିରେ କର ଉପଚାର "
କହନ୍ତି ସର୍ବ ସାଧୁଜନେ
ମୂଳଧାରକୁ ଗୃହ୍ୟସ୍ଥାନେ "
ଉତ୍ତମ ପତ୍ନୀ ପ୍ରାପ୍ତ ହୋଇ
ସୁନ୍ଦର ଗୁଣ ନିଶ୍ଚେ ପାଇ "
ବ୍ରହ୍ମ ପ୍ରଣବ ଅନ୍ତର୍ଗତ
ଲାଗି ନଲାଗି ପଞ୍ଚଭୁତ "
ଆତ୍ମା ପରମାତ୍ମା ମିଳନ
କରନ୍ତି ନିଜେ ଭଗବାନ "
ସ୍ତ୍ରୀ ପୁରୁଷ ଏକ ହୋଇ
ବ୍ରହ୍ମ ପୁଜନ୍ତି ମନ ଦେଇ "
ଯହିଁରୁ ସବୁ ହୁଏ ଜାତ
ସେ ସଚରା -ଚର -ଜଗତ "
ଭିତରେ ଥିବା ବ୍ରହ୍ମଜ୍ୟୋତି
ସନ୍ତାନ ସୃଷ୍ଟିରେ ବିଖ୍ୟାତି "
ସର୍ବ ଶେଷରେ ଶନିବାର
ଭକ୍ତିରେ କର ଉପଚାର "
ଜ୍ୟୋତି ସ୍ୱରୂପ ତନ୍ମଧ୍ଯର
ଭାସ୍କର ମଣ୍ଡଳ ନିଜର "
ବିଶ୍ୱେ ଥାଆନ୍ତି ନବ ଗ୍ରହ
କରନ୍ତି ଜୀବ ଅନୁଗ୍ରହ "
ନବ ଗ୍ରହର ଶାନ୍ତି ଲାଗି
ବ୍ରତ ପାଳିବ ଅନୁରାଗୀ "
ଶାସ୍ତ୍ର ମତରେ ପୂଜିବ
ଭକ୍ତିରେ ଭାବ ରଖିଥିବ "
ଗ୍ରହ ହୋଇଲେ ଯେ ଅଶାନ୍ତି
ଜୀବନେ ପାଇବନି ଶାନ୍ତି
ବିଶ୍ୱାସ ମୂଳେ ଭଗବାନ
ନୀତି କରିବ ସମର୍ପଣ "
ମଣିଷ ତତ୍ତ୍ୱ ନଜାଣଇ
ମାୟାରେ ବିମୋହିତ ହୋଇ "
ମାୟା କରିଣ ପରିତ୍ୟାଗ
ସର୍ବଦା ଥିବ ଅନୁରାଗ "
ଶାସ୍ତ୍ରୀୟ ନିୟମ ମାନିଣ
ପୂଜା କରିବ ନିତ୍ୟ ପୁଣ "
ଭକ୍ତିରେ ପୂଜା ଯେ କରିଲେ
ଜୀବନ ଖୁସି ହେବ ଭଲେ "
ଉପରୋକ୍ତ କଥା ମାନିଣ
ପୂଜା କରିବ ସର୍ବ ପୁଣ "
ଦେଖିବ ସଂସାର ହସିବ
ଏଥିରେ ସନ୍ଦେହ ନଥିବ " ।