ଲାଇବ୍ରେରୀ
ପ୍ରୋଫାଇଲ୍
ବର୍ଷାର ଛନ୍ଦ
ବର୍ଷାର ଛନ୍ଦ
1 min
395
ଆନନ୍ଦ ମନରେ ବରଷାର ନୃତ୍ୟ
ଦେଖୁଥିଲି ଅଖି ମେଲି
ବରଷୁ ନଥିଲା ବରଷା ସେଠାରେ
ନିଜେ ମୁଁ ବରଷି ଗଲି
ବରଷା ଆଖିରେ ଖୁସିର ଲହରୀ
ମୁହେଁ ଥିଲା ଶ୍ରମ ଝାଳ
ସେ କାହୁଁ ବୁଝିବ କା ଆଖିରେ ଲୁହ
ହେଉଥିଲା ଟଳମଳ
ଆଖିରେ ବରଷା କହୁଥିଲା କଥା
କଣ୍ଠୁ ଝରୁଥିଲା ମହୁ
ପ୍ରୀତିର ଅଗଣା ଓଦା ହେଉଥିଲା
ଆକାଶୁ ଝରିଲା ଲହୁ
ଚପଳଛନ୍ଦା ତୋ ରୂପରେ ଲୋ ବର୍ଷା
ହସର ପ୍ରଲେପ ମାଖି
ବରଷି ଯାଆ ତୁ ନିରବରେ ଆଜି
ତୋ ଖୁସିରେ ହେବି ଖୁସି
