ବର୍ଷା

  

ହେ, ବର୍ଷା !!!!

ତୁମେ ଅନନ୍ତ, ଅସୀମ, 

ପରିବ୍ୟାପ୍ତ ଏ ବିଶ୍ୱର 

କେଉଁ ବିନ୍ଧାଣି ର 

ଅପୂର୍ବ କଳା ପୂର୍ଣ୍ଣ 

ଚମତ୍କାର ସୃଷ୍ଟି 

ତୁମେ ତ୍ରିଗୁଣ ଧାରୀ 

ତ୍ରି ଶକ୍ତି ର ଅଧକାରୀ 

ବିଶ୍ୱର କଲ୍ୟାଣ ପାଇଁ 

ବିଧାତାଙ୍କର ଦୁର୍ଲଭ ରଚନା 

"ଜଳ ବହୁଳେ ସୃଷ୍ଟି ନାଶ, 

ଜକ ବିହୁନେ ସୃଷ୍ଟି ନାଶ l"

ଜୀବ ଜଗତ ର ତୁମେହିଁ 

ଜୀବନ ଶକ୍ତି ସଂଜୀବନୀ 

"ବର୍ଷା "ଓ "ମାଟି "ବିନା ଏ ସୃଷ୍ଟି 

କଳ୍ପନା କରା ଯାଇ ପାରେନା 

ସରସ୍ବତୀ ରୂପେ ଏ ପ୍ରକୃତି ରେ 

ଏ ଧରା ରେ ଭରିଛ 

ବିଦ୍ୟା ର ଭଣ୍ଡାର 

ଲକ୍ଷ୍ମୀ ରୂପେ ସବୁଜ ସୁବର୍ଣ୍ଣ କ୍ଷେତରେ 

ସୁନା ର ଶଷ୍ୟ ଫଳାଇ ସଭିଁଙ୍କର 

ମୁହଁରେ ଫୁଟାଇଛ ହସର ଫୁଆରା, 

ବନ୍ୟାର ବିଭୀଷିକା ଖେଳାଇ 

ମାଆ କାଳୀଙ୍କର ସଂହାରିଣୀ ରୁପକୁ 

କରିଛ ପୂରଣ 

ଏକ ଧାରରେ ତୁମେ ସଂହାରିଣୀ 

ଏକ ଧାରରେ ତୁମେ କଲ୍ୟାଣୀ 

ଜଗତ ପାଳନୀ 

ତ୍ରିଶକ୍ତି ର ଆଧାର 

ତୁମ ବିନା ଏ ଜଗତ ଅଧୁରା 

ତୁମେହିଁ ସକଳ ଜୀବ ଜଗତର 

ପରମ ବନ୍ଧୁ ଲାଗ ନିଆରା ନିଆରା, 

ତୁମରି ବର୍ଷା ର ଝରରେ 

ଝରୁଛି ଅମୃତ ସକଳ ଜଗତ 

ପିଉଛି ସେଇ ଅମୃତ, 

ସାରା ବିଶ୍ୱ ଲାଗେ ସୁଧା ମୟ

ସାରା ବିଶ୍ୱକୁ କର "ଆବର୍ଜନା ମୁକ୍ତ "

କୁଢ଼ କୁଢ଼ ଆବର୍ଜନା 

ନଳା, ନର୍ଦମା ର ପଚାଗନ୍ଧ 

ସବୁ ଧୋଇ ନିଅ 

ଦୁର୍ଗନ୍ଧ ମୁକ୍ତ କର ଏ ବିଶ୍ୱ କୁ 

ମାଟିର ଧୂଳି ଧୂସରିତ ଦେହକୁ 

ପଚା ସଢା ଗନ୍ଧକୁ ଧୋଇ ଦିଅ 

"ମାଟି "କୁ ଗାଧୋଇ ସ୍ଵଛ ନିର୍ମଳ କର 

ଆବର୍ଜନା ସବୁକୁ 

"ବର୍ଷା " ଝରରେ ଠେଲି ନେଇ 

ନଈ ସମୁଦ୍ର ରେ ଏମିତି ପକାଇ ଦିଅ 

କେହି ତାର ସତ୍ତା ଖୋଜି ପାଆନ୍ତିନି 

ତେଣୁ ମୋ ଦୃଷ୍ଟିରେ 

ସ୍ୱଚ୍ଛ ବିଶ୍ୱ ର ତୁମେ 

ମହା ନାୟକ, 

ତୁମେ ଏକା ହିଁ ସ୍ୱଚ୍ଛତାର 

ବିଶ୍ୱ ନାୟକ, 

"ସ୍ଵଛ ଭାରତ "ର ଅଗ୍ର ଦୂତ ତୁମେ, 

ତୁମେ ହିଁ ସ୍ଵଛ "ମହା ନାୟକ "

ତୁମକୁ ସ୍ୱାଗତ ବାରମ୍ବାର, 

ତୁମେ ବିଶ୍ୱ ଦରବାରେ 

ଅଭିନନ୍ଦିତ ହେବା ଉଚିତ 

ଯେତେ କହିଲେ ବି 

କମ ପଡିବ ତାହା 

ତୁମେ ଆଦର୍ଶ ମହାନ 

ପରୋପକାରି "ବିଶ୍ୱ ବନ୍ଧୁ "

ମୋ ବନ୍ଧୁ ପ୍ରିୟ "ବର୍ଷା " ll