କାଶତଣ୍ଡୀ ହସେ

କାଶ ତଣ୍ଡୀ ହସେ   ଶରତ ପରଶେ 

    ବିଜୟ ବାରତା ନେଇ 

ଆସୁଛନ୍ତି ମାଆ    ଏ ଧରା ଧାମରେ 

    ଆଶିଷ ଢ଼ାଳିବା ପାଇଁ  ।

କରୁଣା ମୟୀଙ୍କ   ସ୍ୱାଗତ ପାଇଁକି 

   ହସେ ବନଭୂଇଁ ମରତେ 

ଶାନ୍ତି ର ପ୍ରତୀକ   ସବୁଜ ବନାନୀ 

    ନିର୍ମଳ ଶୋଭା ଏ ଜଗତେ l

ଜୁଇ ଜାଇ ହେନା   ବାସ ବିତରନ୍ତି 

    ପଥ କରି କୁସୁମିତ 

କାକ ପିକ ସବୁ   ଗୁଞ୍ଜରି ଉଠନ୍ତି 

     ମାଆ ଙ୍କୁ କରି ବନ୍ଦିତ l

ନଦୀ ନାଳ ସବୁ   ଉତ୍ଫୁଲ ହୁଅନ୍ତି 

     ପଦ ପ୍ରକ୍ଷାଳନ ପାଇଁ 

ଆକାଶ ରଚଇ    ତାରା ର ଚାନ୍ଦୁଆ 

  ସରସୀ ରେ ପଦ୍ମ କଇଁ l

ମାଆ ର କରୁଣା   ଆଶିଷ ଝରଣା 

    ଜଗତ ଜନଙ୍କ ପାଇଁ 

ପାପ ତାପ ଧୋଇ   ନିର୍ମଳ କରିବ 

      କରୁଣା ଦେବ ଝରାଇ l