ବର୍ଷା ପାଇଁ ଗୋଟେ କବିତା

ବର୍ଷା ଆସିଲେ ସବୁ ଥର ପରି ,

ରିମ୍ ଝିମ୍ ସ୍ୱରରେ ,

ମୋ ଘର ଅଗଣାରେ କିଏ ଗୀତ ଗାଏ,

ମୋ ଛାତିରେ ଜମି ଥିବା ପାଉଁଶ

ଭିତରୁ କାହା ସ୍ମୃତି ଉଙ୍କି ମାରେ...

ମୁଁ ସ୍ୱପ୍ନାବିଷ୍ଟ ଭଳି

ଉଠି ବସି ଝରକା ସେପଟ ବର୍ଷାକୁ

ମନ ଭରି ଦେଖେ....

କିନ୍ତୁ ଜାଣେ,

ମୁଁ ଦୂରେଇ ସାରିଚି

ବର୍ଷାଠୁ ବହୁତ ଦିନ ହେଲା,

ଅବା ତମେ ଗଲା ପରେ ,

ବର୍ଷା ହଜେଇ ସାରିଛି ,

ତାର ଚିରକାଳ ମାଦକତା ଓ

ବର୍ଷାପଣ..

ବୋଧହୁଏ ,

ଢେର୍ ଦିନ ଆଗରୁ ମୁଁ ହଜେଇସାରିଛି ,

ବର୍ଷା ଓ ତୁମ ଠିକଣା ..

ଏବେ ତ ଖାଲି ଏକଲାପଣର ଡହ ଡହ ଖରା