ପରିବର୍ତ୍ତନ

ମାଟିର ଓଦା ବାସ୍ନା ସହ

ବର୍ଷା ଫେରିଛି ....

ହେଲେ ତୁମ ସ୍ମୃତିର ,

ମିଠା ବାସ୍ନାରେ ମୁଁ ଆଜି ବି ହଜୁଛି...

 

ସତ କହୁଛି ସାଥୀ,

ସବୁଥର ପରି ଆଜି  କାହିଁ,

ଏ ଓଦା ମାଟିର ବାସ୍ନା

ମୋତେ ହଜେଇ ପାରୁନି .....

ତୁମେ ପାଖେ ଥିଲାବେଳେ ,

ମୁଁ ଜାଣିଥିଲି, ମୋ ଭଳି ତୁମେ ବି

ଭଲପାଉଥିଲ ବର୍ଷାକୁ ..... 

ଆଉ ବର୍ଷାରେ ଭିଜୁଥିଲାବେଳେ,

ତୁମେ ତ ଦେଖି ପାରୁଥିଲ,

ମୋ ଭିଜା ଆଖିରେ ଲୁହକୁ....। 

 

ଆଜି ଏ ବର୍ଷାର ରୁଣୁଝୁଣୁ ସ୍ବର,

ମୋ କାନରେ କହିଯାଉଛି,

ମୋ ମନର ସାଥୀ ବର୍ଷାକୁ ଭୁଲି,

ଫଗୁଣକୁ ଭଲପାଉଛି ।