ବର୍ଷା ଓ ପ୍ରିୟା

ବହୁଦିନୁ ବର୍ଷା ହେଇନି ବୋଲି,

ପ୍ରିୟା ମୋ ରୁଷି ଯାଇଛି,

ତନୁରେ ବର୍ଷାଛିଟା ବାଜିବ ବୋଲି,

ମେଘକୁ କେବଳ ଚାହିଁ ରହିଛି l

ମାଟିର ଭିଜା ଭିଜା ବାସ୍ନାରେ,

ଆତ୍ମବିଭୋର ହେବ ବୋଲି,

କେତେବେଳୁ କେଶକୁ ମୁକୁଳା କରି,

ଦାଣ୍ଡ ବାହାରକୁ ଅନେଇ ରହିଛି l

ମୃଦୁ ମଳୟକୁ ଇର୍ଷା କରୁଛି,

କାଳେ କେଜାଣି ସମୀର ପାଇଁ,

ବର୍ଷା ଟୋପା ପ୍ରିୟାକୁ ନଛୁଇଁ,

ମେଘ ଦୂରକୁ ଚାଲି ଯାଉଛି l

ଆଜି ମେଘାଛନ୍ନ ଆକାଶକୁ ଦେଖି,

ଅଳସୀ ପ୍ରିୟା ଜଗି ରହିଛି,

ଦିବୁନ୍ଦା ଦେହେ ପଡିବ ବୋଲି,

ମେଘକୁ ଅନେଇ କଥା ହଉଛି l