ବର୍ଷା ଓ ଚାଷୀ
ବର୍ଷା ଓ ଚାଷୀ
ଚାତକ ପରାଏ ବରଷାକୁ ଚାହିଁ
ରହିଥାଏ ଚଷାଭାଇ
ବରଷା ଆଗମେ ମନ ତାର ଖୁସି
ମୁହଁରେ ହସ ଫୁଟଇ ।
କିଆରୀରେ ଧାନ ତଳି ଛନ୍ନ ଛନ୍ନ
ଲୋଡେ ରୁଆ ବେଉଷଣ
ମିଳେ ନାହିଁ ତର ଚାଷୀକୁ ଘଡିଏ
ଖଟେ ସକାଳରୁ ସଞ୍ଜ ।
ଚମକେ ବିଜୁଳି ମାରେ ଘଡଘଡି
ବରଷଇ ଝରଝର
ତଲେଇ ପଖିଆ ପାଇକଛା ମାରି
କରେନି ଚାଷୀ ଖାତିର ।
କଣ୍ଠୁ ତାର ଝରେ ଛାନ୍ଦ ଚଉପଦୀ
ମନବୋଧ ଚଉତିଶା
ମନଫୁଲା ଗୀତେ ଚାଷୀ ଭୁଲେ କଷ୍ଟ
ଘାରେ ତାକୁ କର୍ମ ନିଶା ।
ଘନିଷ୍ଠ ନିବିଡ ଚାଷୀର ସମ୍ବନ୍ଧ
ବର୍ଷା ସହ ଅନ୍ତରଙ୍ଗ
ଉଦ୍ଭବେ ଉତ୍ପନ୍ନେ ସୁନାର ଫସଲ
ବତୁରେ ସବୁଜ ସ୍ୱପ୍ନ ।