Library
ବରଷା ଲୋ
ବରଷା ଲୋ
ବରଷା ଲୋ ବରଷା
ଦୁନିଆରେ ମୁଁ କାହାକୁ
କରିବି ଲୋ ଭରଷା ।
ସମସ୍ତେ ହସୁଛନ୍ତି, ଖେଳୁଛନ୍ତି, ବଞ୍ଚୁଛନ୍ତି
କେବଳ ନିଜ ନିଜ ପାଇଁ
ନିଜେ ଭଲ ଥିଲେ ଦୁନିଆ ଭଲ କହୁଛନ୍ତି ।
ସ୍ବାର୍ଥପର ହେଲେଣି
ସର୍ବେ
ଏ ଦୁନିଆରେ
ହସୁଛନ୍ତି ଲୋକେ
ଲୁହ ଦେଖି
ଆଉ କା ଆଖିରେ ।
ଭୁଲି ଯାଉଛନ୍ତି
ନିଜର ବି ଏମିତି
ଦିନେ ସମୟ ଆସିବ
ଭଙ୍ଗା ହୃଦୟ କାନ୍ଦିବ ।
ଆଜିର ଲୋକଙ୍କୁ
ପ୍ରେମ ଲୋଡା ନାହିଁ
କେବଳ ଲୋଡା ପଇସା ।
ବରଷା ଲୋ ବରଷା
ଦୁନିଆରେ ମୁଁ କାହାକୁ
କରିବି ଲୋ ଭରଷା ।
ଆଉ କାହାକୁ
ଭରଷା କରିବାର ନାହିଁ
ଆଜି ଏକା ଅଛୁ ତୁ
ତଥାପି ଚାଲିବୁ ଆଗେଇ
ଏମିତି ଦିନ ଆସିବ
ଲୋକେ ଆସୁଥିବେ
ତୋ ପଛରେ ଦଉଡି ଦଉଡି ।
ସମୟ ବଦଳୁଛି
ଋତୁ ବି ବଦଳୁଛି
ମଣିଷ ବି ବଦଳୁଛି
ସେଥିରେ ଦୋଷ କାହାର
ତୁ ବଦଳି ପାରୁନୁ ଯଦି ।
ବଦଳି ଯା ଜୁଜେଶ୍
ବଦଳିବ ତୋ ଭାଗ୍ୟ
ବଦଳିବ ତୋ ଭବିଷ୍ୟତ
ଜୀବନ୍ତ ହୋଇ ରହିବ
ତୋ ଜୀବନର ସ୍ମୃତି ସବୁ
ହେଲେବି ପାଉଁଶ ତୋ ଦେହ ।
ଦୁନିଆରେ ସବେ କରନ୍ତି ପରିହାସ
ପରିହାସ ଦେଖି ହୁଏ ବେହୋସ
ହେଲେ ବୁଝିପାରୁ
ମୋ ହୃଦୟର ଭାଷା ।
ବରଷା ଲୋ ବରଷା
ଦୁନିଆରେ ମୁଁ କାହାକୁ
କରିବି ଲୋ ଭରଷା ।
ତୋ ରିମ୍ ଝିମ୍ ରିମ୍ ଝିମ୍ ଶବ୍ଦରେ
ମୋ ତନ ମନ ଝଙ୍କାରିତ ହୁଏ
ତୋ ଟୋପା ଟୋପା ବାରିଶ ବୁନ୍ଦାରେ
ଭିଜିବାକୁ ଭାରି ଭଲ ଲାଗେ ।
