ଅସରନ୍ତି ଖୁସି (ଓଡିଆ ସନେଟ)

ଟିପି ଟିପି ବରଷା ଯେ ଦିଅଇ ଆନନ୍ଦ

ନାଚି ଉଠେ ଦେହ ମନ ପୁଣି ଏ ହୃଦୟ

ମନେ ପଡେ ମତେ ପୁଣି ପିଲା ଦିନ କଥା

ଖେଳୁ ଖେଳୁ ପଡିଯାଏ ଖସି ପଡି ପାଦ l

କହୁଥିଲେ ବାପା ମାଆ ଥାଉ ଏତେ ପୁଅ

କିନ୍ତୁ ଆଜି ବରଷାରେ ଝରେ ନେତ୍ରେ ଲୁହ

ପାରେନାହିଁ ମନ କଥା କାହାକୁ ଯେ କହି

ହସ ନାହିଁ ଖୁସି ନାହିଁ ଜୀବନ ବିଷଦ l

କେତେ ଦୁଃଖ କେତେ କଷ୍ଟ ଅଛି ହୃଦୟରେ

ମିଛଟାରେ ସିନା ହସେ ଏହି ଦୁନିଆରେ

ଲକ୍ଷ ଲକ୍ଷ ଆପଣାର ଅଛନ୍ତି ଜଗତେ

ଏକା ମନେ ହୁଏ ପୁଣି ଲୋକଙ୍କ ଭିଡ଼ରେ l

କେତେ ଦିନ କେତେ ରାତି କଟିବ ଏମିତି

କେବେ ଫେରି ଆସିବ ହେ ଅସରନ୍ତି ଖୁସି