ଲାଇବ୍ରେରୀ
ପ୍ରୋଫାଇଲ୍
ବରଷା ଆସିଲେ
ବରଷା ଆସିଲେ
1 min
25
ବରଷା ଆସିଲେ
ଅଶି ବର୍ଷ ବାଲା
ବୃଦ୍ଧ ହୋଇ ଉଠଇ ଯୁଆନ,
ମନେ ପଡ଼ି ଯାଏ
ବର୍ଷା ଭିଜା ତା'ର
କୈଶୋର କୁରୁଳେ ତନୁ ମନ।
ବରଷା ଆସିଲେ
ପଚାଶ ବର୍ଷିଆ
ମଣିଷଟା ଖୋଜେ ଗଛ ମୂଳ,
ଆଉଜି ଯାଅଇ
ଦୋକାନ ସାମ୍ନାରେ
ଅଥବା କେଉଁ କେବିନ ତଳ।
ବରଷା ଆସିଲେ
ଗଜୁରା ନିଶୁଆ
ଯୁବକ ମଟର ସାଇକଲ,
ଚଢ଼ି ମଜା ନିଏ
ଛାତି ଖୋଲା ଦେହେ
ଓଦା ସରସର ବିଲକୁଲ।
ବରଷା ଆସିଲେ
ଆବୋଧ ଶିଶୁକୁ
କିଏ ଟାଣେ ଟାଣେ ଧାଇଁ ଯାଏ,
ଭିଡ଼ି ଓଟାରିଲେ
ଖସି ଧାଇଁ ଯାଇ
ବରଷା ପରଷ ନେଇଥାଏ।
