ବୋଉ

"ବୋଉ" ଲୋ ତୁ! ତ

ଚାଲିଗଲୁ, ଆଉ ମୋତେ

ବି ବୋଉ ବଦଳରେ ଗୋଟେ

"ମମି" ସରାଗ ମିଳିଲା। ତୁ, ତ

ଉପରେ ଥାଇ ସବୁ ଦେଖି ପାରୁଥିବୁ।

ଟି-ପୟ ଉପର ଗରମ ଚା'

କପ୍-ଟା ସିନା ଖସେଇଦେଲି

ବୋଲି ତୁ ମତେ ଧନ! ଲୋ ତୋର

କିଛି ହେଲାକି ପଚ଼ାରୁଥିଲୁ ହେଲେ

ମୋ ମମି ମୋତେ ସିଧା ଘର

ଭିତରେ ବନ୍ଦ କରି ରଖି ଦ‌ଉଛି,ବହୁତ

ଭୋକ ଲାଗୁଛି ଲୋ; ପୁରୁଣା ଉଇ

ଲଗା ଖାତା ର କାଗଜ ଗୁଡ଼ା ଲୁହରେ

ବତୁରି ଖାଇ ଦ‌ଉଛି।

ମୋ, ଜନ୍ମ

ଦିନରେ ସିନା ତୁ' ବାର ଦିଅଁ

ତେର ପୂଜା କରୁଥିଲୁ, ହେଲେ

ମୋ ମମି ତ ଏବେ କହୁଛି ମୁଁ

କୁଆଡ଼େ ବଡ଼ ହେଇଗଲିଣି ଆଉ

ପାଳିକି ପ‌ଇସା କାହିଁ ନଷ୍ଟ କରିବୁ।

ବାପା ଙ୍କ ନାଲି ଆଖି ଆଗରେ ତୁ ସିନା

ପଣତ କାନି ରେ ଘୋଡ଼େଇ ଦ‌ଉଥିଲୁ

ହେଲେ ଏବେ ତ ମମି ମୋତେ ମାଡ଼

ଖାଇଲା ବେଳେ ଭିଡ଼ି ଧରୁଛି। ଭାରି

କାଟୁଛି ଲୋ।

ତୁ, ତ ମିଛେଇ ଟା

ଲୋ ବୋଉ ନିଜେ ନ ଖାଇ ମୋତେ

ସବୁ ପରଶି ଦ‌ଉଥିଲୁ ଆଉ ପାଣି

ଗିଲାସେ ସାଥେ ମୋ ମୁହଁ ର ହସରେ

ତୋର ରାତି ପାହି ଯାଉଥିଲା। ହେଲେ

ଏବେ ତ "ରକି" ଆଉ "ପିଙ୍କି" ଖାଇ

ସାରିବା ପରେ ।

ଆଉ କେବେ ରାଗିବିନି ଲୋ

"ବୋଉ" ଫେରିଆ ତୁ। କିଛି ଅଝଟ

କରିବିନି। ମୋର ଲାଇଟ ଲଗା

ଖେଳନା ଦରକାର ନାହିଁ କି

ରିମଟ୍ ଲଗା କାର ଲୋଡ଼ା ନାହିଁ।

ମୋ କବିତା ସିନା ତୋତେ ଭଲ

ଲାଗୁଥିଲା ଲୋ; ବୋଉ ହେଲେ

ମମି ତ ଏବେ ସବୁ ଚିରି ପକୁଡ଼ି ଠୁଲି

ବନେଇ ଦେଲାଣି।

ଆଉ ପାରୁନି ଲୋ ବୋଉ ମୋତେ

ନୋହିଲେ ତୋ ପାଖକୁ ନେଇଯା !!