Library
Profile
ବୋଉ ତୁ ଏମିତି
ବୋଉ ତୁ ଏମିତି
ବୋଉ ତୁ ଏମିତି
ମୋ ହେତୁ ପାଇବା ଦିନୁଁ
ଆଜିଯାଏଁ ସବୁବେଳେ ତୁ ଏମିତି
କେତେ ଆକଟ କେତେ ଭଲପାଇବା
ତା ଭିତରେ ଭଲ ମଣିଷଟିଏ ହେବାର
ଭରପୁର ନୀତି ଶିକ୍ଷା
ସେ ବାଟରୁ ପଡିଥିଵା ଜିନିଷ କୁ
ନଗୋଟେଇ ଘରକୁ ଆଣିବା ହେଉ କି
କାହା ଆଗରେ ହାତ ପାତି ଗୋଡ଼ ଭାଙ୍ଗି
ଠିଆ ନହେବା ପାଇଁ ହେଉ
ଜୀବନର ପ୍ରତିଟି ପରିସ୍ଥିତି ରେ ଧ୍ୟୈର୍ଯ୍ୟହରା
ନ ହୋଇ ଇଶ୍ଵର ଙ୍କ ଉପରେ
ଵିଶ୍ଵାସ ର କଥା ହେଉ
ପ୍ରତିଥର ପିଲା ରୁ ଆଜିଯାଏଁ
ଶିଖେଇ ଆସିଛୁ ଜୀବନ ଦର୍ଶନ ର କଥା
ଵେଳେ ବେଳେ ମୁଁ ଆଶ୍ଚର୍ଯ୍ୟ ହୁଏ
ଅଳ୍ପ ପାଠୋଇ ମୋ ଗାଉଁଲି ଵୋଉଟା
ଏତେ କଥା ସବୁ କେଉଁଠୁ ଶିଖିଛି
ବୋଉ କୁହେ ତା ପିଲାବେଳ କଥା
ତା ବାପା ମାଆ କଥା
ଅଜାଙ୍କ ର ଘରେ ଗୀତା ଭାଗବତ କଥା
ଆଉ ଆଇ ର କଷି ବାଇଗଣ ଆଉ ଭେଣ୍ଡି ପୋଡ଼ା କଥା
କହିଲା ବେଳେ ତା ଆଖି ଲୁହେଇ ଯାଏଁ
କାଳେ ଧରାପଡ଼ି ଯିବ ସେ ମୋଠୁ
ଦୂରକୁ ଚାଲିଯାଏ କାମ ର ଵାହାନାରେ
ମୋ ବୋଉ ଇଶ୍ଵର ଙ୍କୁ ଭଲ ପାଉଥିବା
ତାଙ୍କ ଉପରେ ଅଗାଧ ଵିଶ୍ଵାସ ରଖିଥିବା
ଏକ ସରଳ ନିଷ୍କପଟ ମଣିଷ ଟି ଏ
ଏମିତି ହିଁ ମୋ ବୋଉ
ଯେ ଆଜି ଯାଏଁ ଦୁଃଖ ଭିତରେ ବି
ସୁଖର ସନ୍ଧାନ ରେ ଥାଏ
ଆଉ ମୋତେ ସବୁବେଳେ ବୁଝାଏ
ଇଶ୍ଵର ଙ୍କ ଉପରେ ଆସ୍ଥା ଓ ବିଶ୍ବାସ ରଖିବା ପାଇଁ
ମୁଁ ସନ୍ଦେହ ଘେରରେ ଏଯାବତ୍ ଅଛି
ବାସ୍ତବରେ କ'ଣ ମୋ ବୋଉ ର ଇଶ୍ଵର ଙ୍କ
ପ୍ରତି ସମର୍ପିତ ଜୀବନ ରେ
ସତରେ କଣ ଇଶ୍ଵର ମୋ ବୋଉ କୁ
ସେତିକି ଭଲ ପାଉଥିଵେ
ନା ପରୀକ୍ଷା ର ଆଳରେ
ଜୀବନ ର ଶେଷ ପର୍ଯ୍ୟନ୍ତ ଏମିତି
ହନ୍ତସନ୍ତ କରୁଥିଵେ
ଆଉ ମୋ ବୋକି ବୋଉଟା
ସେଥିରେ ବି ତାର ସୁଖ ର ପ୍ରାପ୍ତି କୁ ଉପଲବ୍ଧ
କରିବାର ପ୍ରଚେଷ୍ଟା ରେ ଲାଗିରହିଥିବ
