ବୋହୁବୋହୁକା
ବୋହୁବୋହୁକା
ପିଲାଦିନର ଅଭୁଲା କଥା ବୋହୁବୋହୁକା ଖେଳ
ମିଛିମିଛିକା ଘରକରଣା କଣ୍ଢେଇ ବାହାଘର ।
କାଞ୍ଚିଖୁରୀରେ ଭାତ ଓ ଡାଲି ନଅ ତିଅଣ ଭଜା
ଖାଇଛି ଯିଏ ଜୀବନେ ଥରେ ଭୁଲେନି କେବେ ମଜା ।
କାମରୁ ଆସି ତେଲକୁ ଘଷି ଗାଧୋଇ ଯାନ୍ତି ବାପା
ମାଆ କରନ୍ତି ଘରର କାମ ପରିବା କଟା ରନ୍ଧା ।
କାନ୍ଦିଲେ ଛୁଆ କାଖାଏ ମାଆ କରିଦିଅଇ ଗେଲ
କହଇ ଝିଅ ମୋ ସୁନା ପୁଅ ସଅଳ ଯାଆ ସ୍କୁଲ ।
ପିନ୍ଧାଇ ଦିଏ ଜାମା ପୋଷାକ ଗୋଡରେ ଜୋତା ମୋଜା
ସରାଗେ କୁହେ ସୁନା ମୋ ଧନ ଚଢିବ କଳା ଘୋଡା ।
କଳସୀ କାଖେ ଆଣଇ ପାଣି ଘର ପାରିଲା ଝିଅ
ଅଗଣା ଘର ରଖଇ ସଫା ପରଶି ଦିଏ ଅନ୍ନ ।
ବାଜେ ତେଲିଙ୍ଗି ଢୋଲ ମହୁରୀ ହୁଅଇ ଭୋଜିଭାତ
କଣ୍ଢେଇ ପୁଅ ହୁଅଇ ବାହା ଚାଲଇ ନାଚଗୀତ ।
କଣ୍ଢେଇ ଝିଅ ମାଆ ଓ ବାପା କାନ୍ଦନ୍ତି ସୁ°ଉ ସୁ°ଉ
ଦାନ ଯୈ।ତୁକ କନ୍ୟାକୁ ନେଇ ମଟର ଚାଲେ ଘୁ°ଉ ।
ଘର ସ°ସାରେ ଦେଖନ୍ତି ଯାହା ବାଳୁତ ଛୋଟ ପିଲା
କଣ୍ଢେଇ ଖେଳ ଅଭିନୟରେ କରନ୍ତି ଲୀଳାଖେଳା ।
ଖେଳ ଖେଳରେ ହୁଅଇ ଶିକ୍ଷା କଟଇ ବାଲ୍ୟକାଳ
ହୋଇଲେ ଶୁଭ ପରିଣୟଟି ହସଇ ପରିବାର ।