ବନ୍ୟା ଵିଵାଦ ଓ ବ୍ୟଥା

ଧାନ କେଣ୍ଡା ପେଟରେ ପେଟେ ପୁରାଇ

ତା ଆଖି ସାମ୍ନାରେ ଅଣନିଶ୍ୱାସୀ ଧାନ କିଆରି

ଗର୍ଭସ୍ତ ଶିଶୁ ର ମୃତ୍ୟୁ ର ଯନ୍ତ୍ରଣା

ଛାତି ଫଟା କୋହ ମାତୃ ହୃଦୟ ଟି ପରି

ରିଲିଫ ଚାଉଳ ଗଣ୍ଡେ ପାଇଁ

ଵଳି ପଡ଼ିଛି ତା କଷ୍ଟ

ଵନ୍ୟା ଵିଵାଦ ଓ ଵ୍ୟଥା ମଝିରେ

ସେ ଆଜି ଅତିଷ୍ଠ ।

ସୁଖିଲା ନଡା ଗଣ୍ଡେ ନ ପାଇ

 ସଦ୍ୟ ପ୍ରସବା ମାଳେଇ ଗାଈ ର ଛୁଆ 

ଥନ ରେ ମୁଣ୍ଡ କଚାଡେ

ମଣିଷ କଥା ଵୁଝିବାକୁ ସମୟ ନାହିଁ

ଗୋ ଖାଦ୍ୟ ବଣ୍ଟନ ଏଵେ ହେବ ନାହିଁ

ସେ କଣ ଏ ଵିବାଦ ରେ ନାକ ପୁରେଇ

ଅଣ୍ଟେ ପାଣି ରେ ଡାଳ ପତ୍ର

କେତୁଟା ଆଣି ନଥାନ୍ତା ଛିଡେଇ ।

ଭଙ୍ଗା ମାଟି କାନ୍ଥ ତଳୁ ଵହି ବସ୍ତାନି

ଖୋଜୁ ଥିବା ତା ପିଲା

ବନ୍ୟା ର ବିଵାଦ ଓ ବ୍ୟଥା

କୋହ ଚାପି ଅପେକ୍ଷା ରେ ଥାଏ

ପରୀକ୍ଷା ଫିସ୍ ଛାଡ଼

କିଏ ଵୁଝେ ତା ମନ କଥା ।

ପଲିଥିନ ଛାତ ତଳେ ଆକଶ କୁ ଚାହିଁ

ବାଲିଚର ଭିଟାମାଟି ଖରା ବର୍ଷା

ପ୍ରତୀକ୍ଷା କରିବାକୁ ପଡେ

ଘର ଭଙ୍ଗା ପଇସା ଟା ପାଇଁ

ବନ୍ୟା ର ବ୍ୟଥା ଓ ବିଵାଦରେ

ଦୋ ଛକିରେ ଅଭାବି ମଣିଷ ଟେ ପାଇଁ ।