ବନ୍ଧୁକ ମୁନ

ବଡ଼ କଷ୍ଟରେ ପାଇଁଚେ ଜୀବନ ,ସାର୍ଥକ କରିବାକୁ ହେବ ,

ନିଜ କର୍ମ ବଳେ ବଢିଲେ ,ଜୀବନ ସଫଳ ହେବ |

ଜନ୍ମ ପାଇଛେ,ଏହି ଦୁନିଆରେ କର୍ମ କରିବା ପାଇଁ ,

କର୍ମ ହିଁ ଜୀବନ ,ମାର୍ଗ ସିଏ ସାର୍ଥକତା ପାଇଁ |

ବୁଝିବାକୁ ହେବ ଜୀବନର ମର୍ମ ,ସବୁ ଧର୍ମ ଅଧର୍ମକୁ ,

ଧର୍ମକୁ ଆଦରି କର୍ମ କରିଗଲେ ,ଛୁଇଁବ ସଫଳତାର ଶୀର୍ଷକୁ |

ଏହି ଦୁନିଆରେ ଘୁରାନ୍ତି କେତେ ,ଅଧର୍ମକୁ ସାଥି କରି ,

ଧର୍ମର ମୁଖା ପିନ୍ଧି ,ହୁଅନ୍ତି ସେମାନେ ଅନ୍ୟାୟୀ ଅତ୍ୟାଚାରୀ |

ଜନ୍ମିଛେ ଏହି ମାଟିରେ ,ଏହି ଦେଶ ଆମ ମାତୃଭୂମି ,

ଆଦରି ସଭିଙ୍କୁ ,ଏକାଠି ରଖିଛି ଆମ ଏହି ଜନ୍ମଭୂମି |

କେତେ କେତେ ବିଦେଶୀ ,ଯେବେ ଆସିଛନ୍ତି ଏହି ଦେଶେ ,

ଲୁଣ୍ଠନ କରି ଆମକୁ ମାରିଛନ୍ତି ସତ ,ହାରିଛନ୍ତି ଶେଷେ |

ବନ୍ଧୁକ ମୁନରେ ରଖି ନୀରିହଙ୍କୁ ,କରିଛନ୍ତି ବଡ଼ ହୀନିମାନ ,

ଜୀବନକୁ ଡରି କେହି କେହି ,କରିଛନ୍ତି ଆତ୍ମ ସମର୍ପଣ |

ଚାହିଁଛନ୍ତି ଯେବେ କରିବାକୁ ନଷ୍ଟ ,ଆମ ସଂସ୍କୃତି ସଂସ୍କାରକୁ ,

ପ୍ରତିବାଦ କରିଛନ୍ତି କେତେ ଶହୀଦ ,ନଡରି ବନ୍ଧୁକ ମୁନକୁ |

ଅଧର୍ମୀ ସେହି ଅତ୍ୟାଚାରୀ ସବୁ ,ଲଙ୍ଘିଛନ୍ତି ଯେବେ ସୀମା ,

ବନ୍ଧୁକ ମୁନ ଓଲଟି ଯାଇଛି ,ମାନିନାହିଁ ବୋଲ ଜମା |

ଆମରି ମାଟିରେ ,ଆମରି ଧନରେ ଧନୀ ହୋଇଥିଲେ ଜାଣ,

ତାଙ୍କ ବନ୍ଧୁକ ମୁନ ହାରିଯାଇଛି ,ଦେଖି ଆମ ସ୍ୱାଭିମାନ |

ଆମରି ଦେଶର ଦେଶଭକ୍ତ ସବୁ ,ଦେଇଛନ୍ତି ଉଚିତ ଶିକ୍ଷା ,

ତାଙ୍କ ବନ୍ଧୁକ ମୁନ ,କରି ପାରିନାହିଁ ତାଙ୍କ ରକ୍ଷା |

ଭାବିଥିଲେ ସିଏ ବନ୍ଧୁକ ମୁନରେ ,କରିବେ ଆମକୁ ଶାସନ ,

ନଷ୍ଟ କରିବେ ଆମ ଗୌରବ ,ଆମ ମାନ ସମ୍ମାନ |

ଅଜ୍ଞ ଥିଲେ ସବୁ ,ଜଣା ନଥିଲା ଏମାଟିର ମହତ ,

ବନ୍ଧୁକ ମୁନ କାମ କଲା ନାହିଁ ,ହେଲେ ମର୍ମାହତ |

ଏବେବି କହୁଚୁ ଆମେ ଭାରତୀୟ ,ଆମ ଦେଶ ମହାନ ,

ବନ୍ଧୁକ ମୁନ ଜିତି ପାରିବ ନାହିଁ ,ଆମ ସ୍ୱାଭିମାନ |

ହୁସିଆର ତୁମେ ଖବରଦାର,ଏବେ ବୁଝ ଆମ ଶକ୍ତିକୁ ,

ନଦେଖାଅ ଆଉ ତୁମରି ସେହି ଅଧର୍ମର ବନ୍ଧୁକ ମୁନକୁ |

ଆମେ ଶାନ୍ତିର ପୂଜାରୀ ,ଆମ ଦେଶ ଅଟେ ମହାନ ,

ତୁମ ବନ୍ଧୁକ ମୁନକୁ ଓଲଟାଇ ଦେଇ ,ରଖିବୁ ସମ୍ମାନ |