Library
Profile
ବନ୍ଧନ
ବନ୍ଧନ
1 min
120
ମିଛ ସଂପର୍କକୁ କରିଛି ଆସରା
ସତକୁ ସାଧନା କରି
ଯାହା ଦେବ ପ୍ରଭୁ ଲଭିବି ସାନନ୍ଦେ
ନଯିବି କେବେ ମୁଁ ଡରି ।।
ଧରମ ଡାଳରେ ବାନ୍ଧିଛି ମୁଁ ବସା
କରମକୁ ସାଥେ ଧରି
ମାୟା ଭଉଁରୀରେ ହୁଏ ଛଟପଟ
ପାରେନା ପଛକୁ ଫେରି ।।
ଭକତି ନାବକୁ ଦେଇଛି ମେଲାଇ
ମୋ ମନ ଦରିଆ ପାରେ
ଦିପି ଦିପି ଜଳେ ଜୀବନ ପ୍ରଦୀପ
ପ୍ରାଣପକ୍ଷୀ ଝୁରି ମରେ ।।
କୋଉଠି ରହିଲ ସେ କଳା ଗୋସାଇଁ
ବାରେ ଦରଶନ ଦିଅ
ଶ୍ରୀଚରଣ ତଳେ କରୁଛି ବନ୍ଦନା,
ବନ୍ଧନୁ ମୁକତି ଦିଅ ll,
