ବଳ

ଧର୍ମବଳେ ସ୍ୱର୍ଗଯାତ୍ରା କରିଥିଲେ ମହାରାଜା ଯୁଧିଷ୍ଠିର,

ଦାନବଳେ ପୁଣି ମହାଦାନୀ ଭାବେ ପରିଚିତ କର୍ଣ୍ଣବୀର ।

ଜ୍ଞାନବଳେ ବ୍ୟାସ ମହାଭାରତକୁ ଲେଖି ହୋଇଲେ ଅମର,

ଧନବଳେ ରାଜା କୁବେର ରଚିଲେ ସ୍ୱର୍ଣ୍ଣମୟ ଲଙ୍କାପୁର ।

ଯୋଗବଳେ ମୁନିଋଷି ପାଇଛନ୍ତି ଈଶ୍ଵରଙ୍କ ଅନୁଭବ,

କର୍ମବଳେ କେତେ ଅକ୍ଷମ ମଣିଷ କରିଛନ୍ତି ସିଦ୍ଧିଲାଭ ।

ପ୍ରେମବଳେ ଏଇ ସଂସାରର ଜୀବ ହୋଇଥା'ନ୍ତି ବଶୀଭୂତ,

ଭକ୍ତିବଳେ ପ୍ରଭୁ ବିପଦ ଆପଦେ ବଢ଼ାଇ ଦିଅନ୍ତି ହାତ ।

ଶ୍ରମବଳେ ସିନା ବୈଜ୍ଞାନିକମାନେ କରୁଛନ୍ତି ଉଦ୍ଭାବନ,

ଭାଗ୍ୟଵଳେ କେତେ ଅଜ୍ଞାନ ମଣିଷ ପାଇଛନ୍ତି ସିଂହାସନ ।

ବୁଦ୍ଧିବଳେ କେତେ ଦୁର୍ବଳ ମଣିଷ ବଞ୍ଚିଛନ୍ତି ଶତ୍ରୁଠାରୁ,

ମନବଳେ ଆମେ ସକଳ କାର୍ଯ୍ୟକୁ ସହଜରେ କରିପାରୁ ।