🌹ଭକତି ଉଇଁଲେ 🌹

ସୁରୁଜ ଉଇଁଲେ ହସଇ ମେଦିନୀ

ଚାନ୍ଦିନୀ ଉଇଁଲେ ହସଇ ରଜନୀ.

ଭକତି ଉଇଁଲେ ହୃଦୟରେ ଥରେ

ଭିଜି ଯାଏ ପ୍ରାଣ ସେହି ଭକ୍ତି ଜଳେ

    ହସି ଉଠେ ତ ଜୀବନୀ l0l

ପଦୁଅଁ ଫୁଟିଲେ ଶୋହେ ପୁଷ୍କରିଣୀ

ବାରି ଧାରା ଥିଲେ ଶୋହେ ନିର୍ଝରିଣୀ

ଭକତି ପଦୁଅଁ ହୃଦରେ ଫୁଟିଲେ

ଭକତିର ସ୍ରୋତ ମନରେ ବହିଲେ

      କେଉଁଠି ମନ ମାନେନି l1l

ସ୍ୱର ଛନ୍ଦେ ବାଇ ହୁଅଇ ରାଗିଣି.

ସାଗରେ ମିଶିଲେ ସାର୍ଥକ ତଟିନୀ

ତୋ ପ୍ରେମରେ ବାଇ ହେଲେଏ ଜୀବନ

ପ୍ରେମ ସାଗରରେ ମିଶି ହେବ ଧନ୍ୟ

    କରି ସଦା ମଥା ମଣି l2l