)ବିଷୟ ବିଚାରଣୀୟ

ସହଜ ସୁଲଭ ଜ୍ଞାନ ଓ ବିଜ୍ଞାନ

ଯୋଗାଯୋଗ ଯାତାୟତ

ସଞ୍ଚାର ମାଧ୍ୟମ ହୁଏ କ୍ଷିପ୍ରତର

ଦିନକୁ ଦିନ ଉନ୍ନତ ।

ଜୀବନ ଧାରଣ ନୂତନ ପ୍ରବିଧି

ସୁବିଧା ଆବଶ୍ୟକତା

ଉଦ୍ଭାବିତ ହୁଏ ଯନ୍ତ୍ରୋପକରଣ

ରସାୟନେ ଜଟିଳତା ।

ଜଳ ସ୍ଥଳ ବାୟୂ ଚଳେ ଅନ୍ତରୀକ୍ଷେ

ବିବିଧ ଯାନବାହନ

ଅତି ମାରାତ୍ମକ ନାଭିକ ବିସ୍ଫୋଟ

ଅସ୍ତ୍ରଶସ୍ତ୍ର ପ୍ରଦୂଷଣ ।

ହୁଏ ଅବଶେଷ ପ୍ରକୃତି ସମ୍ବଳ

ବଢେ ବିଶ୍ୱ ତାପମାନ

ସବୁଜ କୋଠରୀ କୁପ୍ରଭାବ ଯୋଗୁ

ଭୂଭାଗ ଉତ୍ତପ୍ତ ପିଣ୍ଡ ।

ସହରୀକରଣ ଜନସଂଖ୍ୟା ବୃଦ୍ଧି

ସବୁଜିମା ଅବକ୍ଷୟ

ଭୋଗେ ପରିଣାମ ପରିମିତ ବିଶ୍ୱ

ମହାମାରୀ ବିପର୍ଯ୍ୟୟ ।

ବେଳ ଥାଉଁ ଯଦି ନ ହେବା ସତର୍କ

ବିପଦ ଆସିବ ମାଡି

ହୋଇବ ବିନଷ୍ଟ ସୁନ୍ଦର ପୃଥିବୀ

କାଳ ଦିନ ନାହିଁ ଡେରି ।

ହୁଅ ଏକ ମନ ବିଜ୍ଞାନୀ ସୁଜନ

ଚିନ୍ତ ସୁରକ୍ଷା ଉପାୟ

ଜାତି ଧର୍ମ ବର୍ଣ୍ଣ ଭେଦ ନିର୍ବିଶେଷେ

ବିଷୟ ବିଚାରଣୀୟ ।