ବିଷାକ୍ତ ପୃଥିବୀ
ବିଷାକ୍ତ ପୃଥିବୀ
ଦିନୁ ଦିନ ବଢ଼େ ନାନା ପ୍ରଦୂଷଣ
ପୃଥିବୀ ହୁଏ ବିଷାକ୍ତ
ଜୈବ ବିବିଧତା ନଷ୍ଟ ଭ୍ରଷ୍ଟ ହୋଇ
ପ୍ରକୃତି ହୁଏ କ୍ଷତାକ୍ତ ।
ସବୁଜିମା ଭରା ବିସ୍ତୀର୍ଣ୍ଣ ଅରଣ୍ୟ
ଅବକ୍ଷୟ ବୃଦ୍ଧି ପାଏ
ବଢ଼ଇ ସମସ୍ୟା ଅଙ୍ଗାର କାମଳ
ବାଷ୍ପ ପୂର୍ଣ୍ଣ ହୋଇ ଯାଏ ।
ଯାନ ବାହନ ଓ କଳ କାରଖାନା
ନିୟନ୍ତ୍ରଣ ଅଭାବରୁ
ଅତ୍ୟଧିକ ତର ବଢ଼ାଇ ପ୍ରଖର
ବିଷାକ୍ତ ଧୂମ ଦାଉରୁ ।
ବାୟୁ ମଣ୍ଡଳ ଯେ ହୁଅଇ ବିନଷ୍ଟ
ନାନା ସ୍ଥାନେ ନାନା ମତେ
କୁତ୍ରିମ ଓ ରସାୟନ ଉପାଦାନ
ବ୍ୟବହାର ବଢେ ନିତ୍ୟେ ।
ପ୍ରଦୂଷିତ ବାଷ୍ପ ପୂର୍ଣ୍ଣ ହୋଇ ଯାଏ
ନ ହୁଏ ନେଇ ନିଃଶ୍ୱାସ
ସ୍ୱାର୍ଥ ପର ତାର କରାଳ ଗ୍ରାସରେ
ସବୁ ଠାରେ ଅବିଶ୍ବାସ ।
ବୃକ୍ଷ ହୀନ ରୁକ୍ଷ ହୋଇ ଉଠେ ଶୁଷ୍କ
ଜଳବାୟୁ ପାଣିପାଗ
ର ପରିବର୍ତ୍ତନ ଆଣି ନିତି ଦିନ
ବ୍ୟାପକ ଭାବେ ନିଦାଘ ।
ବଢ଼ି ବଢ଼ି ଚାଲେ ପ୍ରବଳ ଗରମ
ପାଣି ର ସମସ୍ୟା ଆଜି
ଆବର୍ଜନା ଆଉ ପ୍ଲାଷ୍ଟିକ ପଲିଥିନ
ପ୍ରସ୍ତୁତି ପ୍ରୟୋଗ ବୃଦ୍ଧି ।
ପାଇଁ ଏ ବିଷର ଜ୍ଵାଳାରେ ଅତିଷ୍ଠ
ସକଳେ ହୁଅନ୍ତି ନିତି
ବିଜ୍ଞାନ ପାଇଁ କି ଭୋଗୁଚୁ ଅଶାନ୍ତି
ବୃଦ୍ଧି ପାଏ ଅମ୍ଳ ବୃଷ୍ଟି ।
ପରମାଣୁ ବୋମା ପରୀକ୍ଷଣ ଆଉ
ନିର୍ମାଣ ପ୍ରୟୋଗ ବୃଦ୍ଧି
ଲାଗି ରହି ଏବେ ବିଷାକ୍ତ କଣିକା
ସବୁ ଠାରେ ଯାଏ ଘୋଟି ।
ସବୁଠୁ ଅଧିକ ଅଟେ ମାରାତ୍ମକ
ବୈଦ୍ୟୁତିକ ଯନ୍ତ୍ରାଂଶ ଏ
ପଡ଼ି ଏଣେ ତେଣେ ଗଦା ଗଦା ହୋଇ
ପ୍ରଦୂଷଣ କୁ ବଢ଼ାଏ ।
ପ୍ଲାଷ୍ଟିକ ଓ ପଲିଥିନ କୁ ଭକ୍ଷଣ
କରି ଆଜି ପ୍ରତିଦିନ
ଅସଂଖ୍ୟ ପ୍ରକାର ପଶୁ ପକ୍ଷୀ କୀଟ
କରନ୍ତି ମୃତ୍ୟୁ ମୃତ୍ୟୁବରଣ ।
ଭୂମି , ଜଳ, ଖାଦ୍ୟ, ବାୟୁ ଓ ମୃତ୍ତିକା
ପ୍ରଚୁର ତର ବିଷାକ୍ତ
ଆକାଶରେ ଘୋଟି ବିଷାକ୍ତ ଧୂମରେ
ଭୟଙ୍କର କି ଅଦ୍ଭୁତ ।
ଯେତେ ଉପକାରୀ ଜୀବାଣୁ , କୀଟାଣୁ
ପଶୁ , ପକ୍ଷୀ, ଜୀବ , ଜନ୍ତୁ
ମରିଯାନ୍ତି ଆଜି ଏ ବିଷ ପ୍ରକୋପେ
ଆଶା ଭରସାର ସେତୁ ।
ନଷ୍ଟ ହେତୁ ଆଜି ଅତୀବ ବିଭତ୍ସ
ସାଜିଛି ଏଇ ପୃଥିବୀ
ସୁରକ୍ଷା ନ କଲେ ମାତ୍ର କିଛି ଦିନେ
ଧ୍ବସ୍ତ ହୋଇ ଯିବ ଊର୍ବୀ ।