ବିସ୍ମୟକର ବିପର୍ଯ୍ଯୟ

ବିସ୍ମିତେ ସହସା କାହୁଁ ଜଣେ ପରେ ଜଣେ

ବାହାରିଲେ ରୋଗୀ ସାଜି ନିତି ପ୍ରତି କ୍ଷଣେ ।

ବ୍ଯାପି ଗଲା ମହା ମାରୀ କରୋନା ଭୁତାଣୁ

ବିସ୍ତାରିଲା କାୟା ତାର ଖରେ ଚାହୁଁ ଚାହୁଁ ।

ବୈଜ୍ଞାନିକ ,ଚିକିତ୍ସକ , ଜନନାୟକଙ୍କ

ବଣା ହେଲା ବୁଦ୍ଧି ବିଦ୍ଯା ଖେଳିଲା ଆତଙ୍କ ।

ବିଷମ ସମସ୍ଯା କାହୁଁ ଅଇଲା ଭାଳିଲେ

ବିଧିର ବିଧାନ ଆନ କେ କରିବ ଭଲେ ।

ବୈଜ୍ଞାନିକେ ଲାଗି ଗଲେ ଦୂଢ ମନୋବଳେ

ବାହାରିଲା ଅଳ୍ପ ଦିନେ , ଲକ୍ଷଣ ଚିହ୍ନିଲେ ।

ବୀଜାଣୁ କୀଟାଣୁ କିବା ଭୁତାଣୁ  ପ୍ରଭାବେ

ବଢୁ ଅଛି ଏହି ରୋଗ ଏହା ନିରୂପିଲେ ।

ବୀକ୍ଷଣେ ଜାଣିଲେ ମାରାତ୍ମକ ଏ କରୋନା

ବଢାଉଛି କାଢି କେତେ ଭୁତାଣୁ ଚାଇନା ।

ବାୟୁ ରେ ବ୍ଯାପେ ବ୍ଯାପକ ଭାବେ ଏହି ରୋଗ

ବହୁ ଲୋକ ଙ୍କର ଯହିଁ  ଘଟଇ ସଂଯୋଗ ।

ବ୍ଯାପଇ ରୋଗୀଠୁ କ୍ରମେ କ୍ରମେ ଚାରି ଆଡେ

ବାହାର କୁ ବାହାରିବା ନିଷିଦ୍ଧ କରିଲେ ।

ବହୁ ଜନ ସମାଗମ ଦେଲେ ରଦ୍ଧ କରି

ବନ୍ଦ ହୋଇ ଯିବ ଧୀରେ ଏହି ମହା ମାରୀ ।

ବାୟୁ ମାର୍ଗ ଯେଣୁ କରି ପାଟି ଓ ନାସିକା

ବୁଜାଇ ରଖିବା ସଦା ଲଗାଇବା ମୁଖା ।

ବିଶୁଦ୍ଧତା ପ୍ରତି ନିତି ହେବା ସଚେତନ

ବନ୍ଦ କରି ଦେବା ସବୁ ଜନ ସମାଗମ ।

ବିଜ୍ଞାନ  ବାହାର କଲା ଟୀକା କରୋନାର 

ବିଶ୍ବ ଗ୍ରାସି ମହାମାରୀ ମାରି ମାରଣାସ୍ତ୍ର ।

ବିଦୂରିତ କଲା ବେଗେ ପ୍ରତିରୋଧ କାରୀ

ବିଶେଷ ଗୁଣକୁ ଦେହେ ଦେହେ ସେ ସଂଚାରି ।

ବଢାଇଲା ପ୍ରତିରୋଧି ଶକ୍ତି ଆପଣାର

ବିରଚିଲା ଲଢାଇ ଯେ ସାଥେ କରୋନାର ।

ବହୁ ଉଦ୍ଯମରେ ଶେଷେ ହାରିଲା କରୋନା

ବିଜୟୀ ହୋଇଲା ନର ଥମିଲା ଯାତନା ।