ବିଶ୍ୱ ପଖାଳ ଦିବସ ଉପଲକ୍ଷେ

ମାର୍ଚ୍ଚ ମାସର କୋଡିଏ ତାରିଖ

    ଅଟେ ପଖାଳ ଦିବସ

ଦୁଇହଜାର ପନ୍ଦର ମସିହାରୁ

    ପାଳୁଛି ଏହାକୁ ବିଶ୍ୱ ।

ଓଡ଼ିଆ ମାନଙ୍କ ଅତି ପ୍ରିୟ ଖାଦ୍ୟ

    ଅଟଇ ପଖାଳ ଭାତ

ଟଙ୍କ ତୋରାଣିକୁ ନୀଳାଚଳ ଧାମେ

    ଆନନ୍ଦେ ପିଏ ଭକତ ।

ଆଳୁ, ସାରୁ, ବାଇଗଣ ପୋଡା ସାଙ୍ଗେ

    ପଡ଼ିଥିଲେ ବଡି ଭଜା 

ଧଣିଆ ପତ୍ର ଓ କଞ୍ଚା ଲଙ୍କା ଲୁଣ

   ଖାଇବାର ଆସେ ମଜା ।

ଶାଗ ଭଜା ଆଉ ପାମ୍ପଡ ଭଜା ଟି

   ତା ସାଙ୍ଗରେ ଯଦି ଥାଏ

ଦହି, ଲେମ୍ବୁ ସାଥେ କଲରା ଚିପସ

    ଖାଇବା ଶହେ ରୁ ଶହେ ।

ଆମ୍ବ କଷି ନସୀ, ଛତୁପୋଡା, ସାଙ୍ଗେ

    ମାଛ, କି ଶୁଖୁଆ ଥିଲେ 

ପଖାଳ ଭାତର ମଜାନେଉଥିବ

   ଚେନାଚୁର, କାକୁଡିରେ ।

ଜୀବନ ଧନ ମୋ ପଖାଳ କଂସାର 

   ଗୀତ ବାଳକୃଷ୍ଣ ଦାସ

ସୁନ୍ଦର ସ୍ୱରରେ ଗାଇଥିଲେ ତାହା

   ରହିଛି ଜନ ମାନସ ।

ଗ୍ରୀଷ୍ମ ଋତୁରେ ଯେ ପଖାଳ ଭାତ ଟି

    ଦେହ ପାଇଁ ଅଟେ ହିତ

ପେଟ ଥଣ୍ଡା ରଖେ ଖରା ବାଧେ ନାହିଁ

    ଡରିଯାଏ ଅଂଶୁଘାତ ।

ସକାଳ ଗାଧୁଆ ଓ ପଖାଳ ଖିଆ

    ଦେହରେ ଯାହାର ଯାଏ

ଏହି ଦୁନିଆଁ ରେ ସବୁଠାରୁ ବଡ଼

    ଭାଗ୍ୟବାନ ବ୍ୟକ୍ତି ସିଏ ।

ଦିଲ୍ଲୀ ରୋଷଘରେ ଆମ ରାଷ୍ଟ୍ରପତି

    ଓଡ଼ିଆ ରୋଷେଇ ଖୋଇ

ବିଦେଶୀ ଅତିଥି ମାନଙ୍କର ମନ

   ନେଇଥିଲେ ପରା ମୋହି ।

ପିଜା, ବର୍ଗର ଓ ଚାଓ ମିନ ଭୁଲି

   ଓଡ଼ିଆ ଖାଦ୍ୟକୁ ଖାଇ

ପ୍ରଂଶସା କରିଲେ ଧନ୍ୟ ହୋଇଗଲା

   ଆମରି ଓଡିଶା ଭୂଇଁ ।

ଓଡ଼ିଆ ଭାଇ ଓ ଭଉଣୀ ମାନଙ୍କୁ

  କହୁଛି ଗୋଟିଏ କଥା

ଯେଉଁଠାରେ ରୁହ ଓଡ଼ିଆ ଜାତିର

   ରଖିବ ଗାରିମା ଗାଥା ।