ଜାଳିବା ଦୀପ,କରିବା ପ୍ରଦୀପ

ଆଜି ଫେରିବେ ଆମର ରାମ ,

ନିଜ ପୁର ନିଜ ଅଯୋଧ୍ୟା ଧାମ।

ଜାଳିବା ଦୀପ ,କରିବା ପ୍ରଦୀପ,

ଅଯୋଧ୍ୟାର ଯେତେ ଅଛି ପଥ।

ଖୁସିରେ ଆଜି ଶ୍ରୀରାମ ପାଇଁ କି,

ହୃଦୟେ ତାହାଙ୍କୁ ସ୍ଥାପନ କରିକି ।

ସରବ ପରଜା ମାନିବା ଦୀପାବଳି ,

ଅଗଣା ରେ ସଜେଇବା ଦୀପ ଆରାବଳି। 

ମନଟା ଆମର ଭାରି କଳୁଷିତ ,

ଜୀବନ ଟା ପାପ ପଙ୍କ ଭରା ତ ।

ଷଡ ରିପୁ ର ସଦା ସେ ଅଧିନସ୍ଥ,

ହିଂସା ଅହଙ୍କାର ରେ ଥାଏ ଯେ ମଜ୍ଜିତ।

ଆଜି ମିଳିଛି ବଡ ସୁଯୋଗ,

ଏଡାଇବା ପାଇଁ ନିଜ ଦୁରୁଭାଗ ।

ଲଭିବା ଗତି ପାଇବା ସଉଭାଗ,

ସେବି ସେବି ତାଙ୍କ ପଦ ଦ୍ବୟ ।

ଆସିଲେ ସୀତା ରାମ ଲକ୍ଷ୍ମଣ,

ଧୀବର ହୋଇ ଧୋଇବା ଚରଣ ।

ସବରୀ ହୋଇ ବଛା ଫଳ ଖୁଆଇବା,

ତାଙ୍କ ଅଇଁଠା ପ୍ରସାଦ କରି ପାଇବା।

ଦୀପ ଆଳତୀରେ କରି ତାଙ୍କ ବନ୍ଦାଣ,

ଛୁଇଁ ତାଙ୍କ ଦିବ୍ୟ ଦୁଇ ପଦ୍ମ ଚରଣ ।

ଅଳି କରି କହିବା ହେ ମୋର ରାମ,

ଏ ପାପୀର ପାପ କର ପ୍ରଭୁ ନାଶନ।

ଦୀପାଳୀର ଆଲୋକରେ ପ୍ରଭୁ କର ଆଲୋକିତ,

ପ୍ରତି ଜୀବନେ ଥିବା ଅନ୍ଧକାର କର ଦୂରୀଭୂତ ।

ହେ ରଘୁନନ୍ଦନ ହେ କୌଶଲ୍ୟା ର ସୁତ,

ସଂସାରକୁ ରଖ ପ୍ରଭୁ ସଦା ଆନନ୍ଦିତ। 

ଆସ ଆସ ସାଙ୍ଗ ସାଥି , ଭାଇ ବନ୍ଧୁ ପରିଜନ ,

ଦୀପାବଳି ଦିନ କରିବା ଆମେ ରାମଙ୍କ ବନ୍ଦନ ।

ପ୍ରତି ଜୀବନ ସଦା ସଦା ପାଉ ସୁଖ ସମ୍ମାନ ,

ହେ ପ୍ରଭୁ କରିବ ଏତିକି ପୂର୍ଣ୍ଣ ମନୋସ୍କାମ।

ଜୟ ରାମ ଜୟ ରାମ ଜୟ ରାଜୀବଲୋଚନ,

ଜୟ ରାମ ଜୟ ରାମ ଜୟ ପତିତପାବନ ।

ଦୀପାବଳି ର ଶୁଭେଚ୍ଛା ସହ ଅଭିନନ୍ଦନ,

ସାଙ୍ଗ ସାଥି ଘେନ ମୋର ବନ୍ଧୁ ପରିଜନ।

ଆମ ଇପ୍ସିସିତ ଅଭିଳାଷ ସେ ହିଁ ପୂରଣ କରିବେ,

ସେହି ରାମ ଦୁଃଖ କଷ୍ଟ ସଭି ଜନଙ୍କ ଋ ରିହିବେ।

ଜୟ ରାମ ଶ୍ରୀରାମ ଜୟ ଜୟ ରାମ ,

ଜୟ ରାମ ଶ୍ରୀରାମ ଦୁର୍ବାଦଳ ଶ୍ୟାମ।