ବିଶ୍ଵ ମାତୃତ୍ଵ ଦିବସ
ବିଶ୍ଵ ମାତୃତ୍ଵ ଦିବସ
ବାତ୍ସଲ୍ୟ ମମତା ସ୍ନେହ ସୋହାଗର
ଅତୁଟ ବନ୍ଧନ ସ୍ମୃତି
ମାତୃତ୍ଵ ସମ୍ମାନ ସଦା ଜାଗରିତ
ଗାଏ ବିଶ୍ଵ ଜୟ ଗୀତି ।
ଇଂରାଜୀ ମେ ମାସର ନଅ ତାରିଖକୁ
ମାତୃତ୍ୱ ଦିବସ ରୂପେ
ସାଧାରଣ ଭାବେ ହୁଅଇ ପାଳିତ
ଆମରି ଭାରତ ଦେଶେ ।
ସୃଷ୍ଟିର ବିକାଶ ସୈ।ଭାଗ୍ୟ ପ୍ରତୀକ
ନାରୀର ଅଟେ ପୂର୍ଣ୍ଣତା
ଅନାବିଳ ପ୍ରେମ ମାତୃତ୍ଵ ମହତ୍ୱ
ଅମୃତ ମାତା ମମତା ।
ଆମ ସଂସ୍କାରରେ ମାତା ଗରୀୟସୀ
ସରଗ ଠାରୁ ମହାନ
ମାତା ପୂଜନୀୟା ଚିର ବନ୍ଦନୀୟା
ମାତା ସୃଷ୍ଟିର କାରଣ ।
ମାତାଙ୍କ ନିମନ୍ତେ ଘର ପରିବାର
ହସଇ ଦେଶ ଦୁନିଆ
ଫୁଟେ ଫୁଲ କଳି ମୁଖେ ମଧୁ ହାସ୍ୟ
ବଡ଼ ହୁଏ ଛୋଟ ଛୁଆ ।
ଶିଶୁର କଣ୍ଠରୁ ଗୁଲୁରୁ ଗାଲୁରୁ
ସୁନ୍ଦର ଦରୋଟି ଭାଷା
ପ୍ରାଣକୁ କରି କୋମଳ ଶୀତଳ
ବଢାଏ ଆତ୍ମ ପ୍ରତ୍ୟାଶା ।
ମାତା ହିଁ ସାକ୍ଷାତ ପରମ ଈଶ୍ୱରୀ
ମହାଶକ୍ତି ଦେବୀ ଦୁର୍ଗା
ମରଣ ଲୋକରୁ ଉଦ୍ଧରେ ଜୀବନ
ସ୍ୱଗର୍ଭେ ସହି ଯନ୍ତ୍ରଣା ।
ମାତାଙ୍କ ସମ୍ମାନ ମାତାଙ୍କ ପ୍ରତିଷ୍ଠା
ଅଟଇ ସଭ୍ୟତା ମୂଳ
ବୁଝେ ଯେଉଁ ଜାତି ହୁଅଇ ମହାନ
ମାତା ଧର୍ମ ସୁସଂସ୍କାର ।
ବୈଦିକ ଯୁଗରୁ ଆମ ସମାଜରେ
ମାତାଙ୍କ ପ୍ରତି ସମ୍ମାନ
ମୈ।ଳିକ ପରମ କର୍ତ୍ତବ୍ୟ ସ୍ୱରୂପେ
ଶିକ୍ଷା ଦାନ ବିଦ୍ୟମାନ ।
ଆନ୍ନା ଜାଭରିସ ମହାନ ବିଦୁଷୀ
ଆମେରିକା ଅଧିବାସୀ
ଅନୁଭବି ଥିଲେ ସୁନ୍ଦର ସତ୍ୟକୁ
ମହତ୍ୱ ରଖିଲେ ବେଶୀ ।
ୱେଷ୍ଟ ଭର୍ଜିନିଆ ସେଣ୍ଟ ଆଣ୍ଡ୍ରିୟୂଜ
ମେଥଡିଷ୍ଟ ଗୀର୍ଜା ଗୃହେ
ପାଳିଲେ ପ୍ରଥମେ ବିଶ୍ୱ ମାତୃ ଦିନ
ନିଷ୍ଠାପର ସୁଆଗ୍ରହେ ।
ତାଙ୍କ ଚିନ୍ତାଧାରା ହେଲା ଲୋକପ୍ରିୟ
ପୃଥିବୀର ସବୁ ଦେଶ
ପାଳୁଛନ୍ତି ଏହି ମହାନ ଉତ୍ସବ
ବିଶ୍ୱ ମାତୃତ୍ଵ ଦିବସ ।
------