ଟଙ୍କା
ଟଙ୍କା
ଶୁଣ ଶୁଣ ଭାଇ କହିବା ଟଙ୍କାର କଥା,
ଟଙ୍କା ତ ନ ଥିଲେ ମନକୁ ଲାଗଇ ବ୍ୟଥା l
ଟଙ୍କାଟି ରହିଲେ ହୋଇଥାଏ ସବୁ କାମ,
ଟଙ୍କା ହିଁ ନ ଥିଲେ ସବୁ ଅଖ ଚକ ଜାମ l
ଟଙ୍କା ତ ନ ଥିଲେ ପାଶେ କଥା ବଦଳଇ,
ଦୁନିଆଁଯାକର ନିନ୍ଦା ସଦା ମିଳୁଥାଇ l
ଟଙ୍କା ଥିଲେ ରାଜନେତା ଜିତେ ନିର୍ବାଚନ,
ନିର୍ବାଚିତ ହେଲା ପରେ ନିଏ କମିଶନ l
ଧାଇଁଛ ଟଙ୍କାର ପଛେ ଶୁଣ ମୋର କଥା,
ମଣିଷ ପଣିଆ ଯିବ ପାଉଥିବ ବ୍ୟଥା l
ଏ ଟଙ୍କାର ମୋହ ଠାରୁ ବହୁ ଦୂରେ ରୁହ,
ପ୍ରଭୁ ପାଦେ ଧ୍ୟାନ ରଖି ବଇକୁଣ୍ଠ ପାଅ l
ଟଙ୍କା ଥିଲେ ପାଶେ ଲାଗିବେ ସବୁ ନିଜର,
ଟଙ୍କା ସରିଗଲେ ହୋଇଯିବେ ସବୁ ଦୂର l
ସେଥିପାଇଁ ନାହିଁ କାହା ଉପରେ ଭରସା,
କେ ସାହାଯ୍ୟ କରୁ ବୋଲି ରଖିବାନି ଆଶା l
ନିଜ ଜୀବନକୁ ନିଜେ ଗଢ଼ିବାରେ ଭାଇ,
ଆଉ କିଏ କରିବନି କିଛି ଆମ ପାଇଁ l