ମୋହ ମାୟା

ଛଅ ଖଣ୍ଡ କାଠକୁ ପାଳ ଦଉଡି 

ଯମ ଆସି ତୋତେ ନେବରେ ଭିଡି 

ଅଢେଇ ଦିନକୁ ଏତେ ବଡେଇ 

ଜୀବ ଚାଲିଗଲେ ଦେବେ ଆଡେଇ 

ମଶାଣୀକୁ ନେବେ ବାଟ କଢେଇ 

ମୋର ମୋର ବୋଲି ଯାହାକୁ କହୁଛୁ 

କେହି ଯିବେ ନାହିଁ ପଛେ ଗୋଡେଇ 

ମଡ଼ା କହି ତୋତେ ଦେବେ ଘୋଡେଇ 

ଗୋବର ପାଣିରେ ଲିପିବେ ଘର 

ବନ୍ଦ ହେବ ତୋତେ ଦାଣ୍ଡ ଦୁଆର 

ଗଢିଥିଲୁ ଯେଉଁ ଘରକୁ ତୁହି 

ଘରୁ ଆଣି ଦେବେ ଦାଣ୍ଡରେ ଥୋଇ 

ଜୀବନର ସତ୍ୟ ରାମ ନାମ ଭାଇ

ବେଳ ଥାଉଁ ଯିବା ସଜାଗ ହୋଇ 

ମିଛ ମାୟା ଭରା ସଂସାର ପଥେ 

ମୋହ ଜାଲେ ଘାଣ୍ଟି ହେଉଛୁ ସତେ 

ବେଳ ଥାଉଁ ଥାଉଁ ସୁଧୁରି ଯିବା 

ପ୍ରଭୁ ନାମ ଗଣ୍ଠିଧନ କରିବା 

ଛାଡିବା ଲାଳସା ଛାଡିବା ଲୋଭ 

ଏ ଭବ ସାଗରୁ ମୁକତି ଲଭ