ଲାଇବ୍ରେରୀ
ପ୍ରୋଫାଇଲ୍
ବିଶ୍ଵ ବାରଙ୍ଗନା ଦିବସ
ବିଶ୍ଵ ବାରଙ୍ଗନା ଦିବସ
ସମସ୍ତେ ବାରଙ୍ଗନାକୁ କୁହନ୍ତି ଅଭିସାରିକା
ରାତ୍ରି ଅନ୍ଧାରୀର
କହୁଛ ଘଟିଛି ନାରୀର ଅବକ୍ଷୟ ବାରଙ୍ଗନା
ପରିଚୟ ତା'ର ।୧।
ମଣିଷ ପରି ବାରଙ୍ଗନା ଯିଏ, ସିଏ ତ ଏକ
ନାରୀ ଓ ମଣିଷ
ସମାଜ ବିଭିନ୍ନ ପ୍ରକାର ତାଡନାରେ ତାର
ପ୍ରାଣ ହୁଏ ଶେଷ ।୨।
କେତେ ଯେ ନାରୀ ପେଟ ବିକଳେ ଖୋଜି,
ଆଉ ପନ୍ଥା ନାହିଁ
ଖୋଜିଥାଏ ଏହି ଯୌନ ନିର୍ଯାତନାର ପଥ
ବଂଚିବା ପାଇଁ ।୩।
ସୁରଜର ଆଲୋକ ପାଇବା ତା ପାଇଁ ହୁଏ
ସାତ ସପନ
କିଟି ମିଟି ଅନ୍ଧାର ତା ପାଇଁ ଅଟେ ନିତାନ୍ତ
ଦରକାରୀ ଫେସନ ।୪।
ଦିନେ ଜନମି ଥିଲା ସେ ନାରୀ ହୋଇ ତ
ସରଳ ଶିଶୁ କନ୍ୟା
କାହିଁକି ବନିଲା କୁଗ ଘୃଣ୍ୟ ଚରିତ୍ର ସହେ
ଅନେକ ଦୁଃଖର ବନ୍ୟା ।୫।
ଯୋୖବନ ଆସିଲା ଗଳା ଧରାଇ ଦେଲା
ହାତ ଏକ ମଦ୍ୟପର
ପେଶି ହୋଇଗଲା ସଂସାରର ଦାଉରେ
ବାରଙ୍ଗନା ସିଏ ହେଲା ସମାଜର ।୬।
ଭଦ୍ରମୁଖା ତଳେ କେତେ କାମୁକ ପୁରୁଷ
ଲୁଟିଥାନ୍ତି ନାରୀର ଯୋୖବନ
ନଥିଲେ ସେପରି ପୁରୁଷ, ଦେହ ବିନିମୟ
ବେପାର ହୁଅନ୍ତାନି କି ଲୀନ ।୭।
ତେବେ କୁହ ହେ ସଭ୍ୟ ସମାଜର ଯେତେ
ମଣିଷ ରହିଅଛ
କରି ବ୍ୟଭିଚାର, ଲାଜ ନାହିଁ, ବାରଙ୍ଗନାକୁ
ବ୍ୟଭିଚାରିଣୀ ବୋଲି ଘୃଣା କରୁଛ ।୮।
