ବିରହ
ବିରହ
ବିରହର ଦାବାନଳେ ଜଳିଯାଏ ମନ,
ହାରିଯାଏ ଦେହମନ ହାନିହୁଏ ଧନ |୧|
ଦୂର ନଈ ସେପାରିରେ ଚକୋରକୁ ଖୋଜେ,
ବିରହର ବେଦନାରେ ଭାଜିଭାଜି ହଜେ |୨|
ସମ୍ଭାବନା କୃତଜ୍ଞତା କିଛିନାଇଁ ମାନେ,
ସବୁଆଶା ଭରସାର ତୁଟିଯାଏ କ୍ଷଣେ |୩|
ମଉଳିଲା ସଜଫୁଲ ବାସିହେଲା ମଧୁ,
ବିରହିଣୀ ବିଧୂରିତ କାଳହେଲା ବଧୁ |୪|
ଦୂରଦେଶୀ ପ୍ରିୟବନ୍ଧୁ କରିଦେଇ ପର,
ଅକାଳରେ ବାନ୍ଧିଦେଲ ବିରହିତ ସ୍ବର |୫|
ମନଝୁରେ ଦେହଝୁରେ ଝୁରେ ମନ ଶାରୀ,
ପ୍ରିୟ ମୁହଁ ମୃଗତୃଷ୍ଣା ହୋଇଯାଏ ମରି |୬|
ବିରହରେ ବିରହିଣୀ ପ୍ରିୟସାଥି ଖୋଜେ,
ଏପାଖରେ ବିରହର ମୃଦୁମନ୍ଦ ନାଦେ |୭|