ବିଫଳତା ହିଁ ସଫଳତାର ଚାବିକାଠି

ଜୀବନରେ           ବେଳେ ବେଳେ

   ଭୁଲ ହୋଇଯାଏରେ ଭୁଲ ହୋଇଯାଏ

ସେହି ଭୁଲ              ମଣିଷକୁ

    ବହୁ ଶିକ୍ଷାଦିଏ ବହୁ ଶିକ୍ଷା ଦିଏ ||

ଜୀବନରେ            ବେଳେ  ବେଳେ

     ବିଫଳତା ଆସେ ବିଫଳତା ଆସେ

ସଫଳତା              ହାସଲର

    ସୂତ୍ର ଦେଇ ବସେ ସୂତ୍ର ଦେଇ ବସେ||

ବୈଜ୍ଞାନିକ             ତତ୍ତ୍ବ ଦେହେ

     ତ୍ରୁଟି ରହିଥିଲେ ତ୍ରୁଟି ରହିଥିଲେ

ସେହି ତ୍ରୁଟି            ବିଷୟରେ

   ଅନୁଧ୍ୟାନ କଲେ ଅନୁଧ୍ୟାନ କଲେ;

ନିଷ୍ଠାପର             ଭାବନେଇ

  ଗବେଷଣା କଲେ ଗବେଷଣା କଲେ

ସେହି ତ୍ରୁଟି            ସୁଧାରିବା

  ଉପାୟଟା ମିଳେ ଉପାୟଟା ମିଳେ||

ଜୀବନର            ଚଲା ପଥେ     

   ଅଭାବ ଆସଇ ଅଭାବ ଆସଇ

ମଣିଷର            ମନେ  ପ୍ରାଣେ

    ବହୁ କଷ୍ଟ ଦେଇ ବହୁ କଷ୍ଟ ଦେଇ||

ସେ ଅଭାବ            କରିବାକୁ

   ଦୂର ବହୁ ଦୂର ଦୂର ବହୁ ଦୂର

ଅହରହ             ଚେଷ୍ଟା କଲେ

  ମିଳେ ତା ଉତ୍ତର ମିଳେ ତା  ଉତ୍ତର ||

ଭୁଲ  ଅଟେ           ଜନନୀ ତ

     ଠିକ୍ କରିବାର ଠିକ୍ କରିବାର

ବିଫଳତା               ଚାବିକାଠି

    ସଫଳ  ହେବାର ସଫଳ ହେବାର||           

    

ଅଭାବ ତ              ଜନନୀ ଯେ

     ଉଦଭାବନର  ଉଦଭାବନର

ନିଷ୍ଠା    ସହ               ନିରନ୍ତର  

     ଲୋଡା ପ୍ରଚେଷ୍ଟାର ଲୋଡା ପ୍ରଚେଷ୍ଟାର || 

ଥରେ ଚେଷ୍ଟା               କରି  ତୁମେ           

ବ୍ୟର୍ଥ ହୋଇପାର ବ୍ୟର୍ଥ ହୋଇପାର

ମନ ଉଣା                କର ନାହିଁ

    ପୁଣି ଚେଷ୍ଟାକର ପୁଣି ଚେଷ୍ଟାକର ||

ପଥରକୁ                 ବାରମ୍ବାର

    କରିଲେ ପ୍ରହାର   କରିଲେ ପ୍ରହାର

ଭାଙ୍ଗି ଚୂନା              କରେ ଏକ

    ଅନ୍ତିମ  ପ୍ରହାର  ଅନ୍ତିମ ପ୍ରହାର ||

ଅନ୍ତିମକୁ              ଛାଡିଦେଲେ

   ତା ପୂର୍ବ ପ୍ରହାର  ତା ପୂର୍ବ ପ୍ରହାର

ଭାବିବନି            କେବେ ତାହା

   ଅଟଇ ବେକାର ଅଟଇ ବେକାର ;

ଅନ୍ତିମର              ସଫଳତା 

   ଶ୍ରେୟ ପ୍ରଥମର ଶ୍ରେୟ ପ୍ରଥମର

ସଫଳତା              ଦେଇଥାଏ

  ଚେଷ୍ଟା ନିରନ୍ତର ଚେଷ୍ଟା ନିରନ୍ତର||

ଲୋଡା ଅଛି          ପ୍ରତି କାର୍ଯ୍ଯେ

    ଆତ୍ମବିଶ୍ବାସର  ଆତ୍ମବିଶ୍ବାସର  

ମନେ ଦୃଢ            ମନୋବଳ

   ରଖି କାର୍ଯ୍ଯକର ରଖି କାର୍ଯ୍ୟ କର ||

ବିଫଳତା            ଦେଖି ମନେ

   ଆଣିବନି ଡର ଆଣିବନି ଡର

 ବିଫଳତା               ଚାବିକାଠି 

     ସଫଳ ହେବାର ସଫଳ ହେବାର||